ഭിന്നശേഷി ഗായകൻ ഗാനമേളക്കിടെ കുഴഞ്ഞുവീണ് മരിച്ചു
പാട്ട് പാടി ഇറങ്ങി വന്നതിനു ശേഷം കുഴഞ്ഞുവീഴുകയായിരുന്നു
തൃശൂർ: മതിലകത്ത് ഗാനമേളക്കിടെ ഭിന്നശേഷിക്കാരനായ ഗായകൻ കുഴഞ്ഞുവീണ് മരിച്ചു. മതിലകം സെന്ററിനടുത്ത് മുള്ളച്ചാം വീട്ടിൽ അബ്ദുൽ കബീർ ആണ് മരിച്ചത്. പാട്ട് പാടി ഇറങ്ങി വന്നതിനു ശേഷം കുഴഞ്ഞുവീഴുകയായിരുന്നു.
മതിലകം പുന്നക്കബസാർ ആക്ടസിന്റെ പത്താം വാർഷികത്തോട് അനുബന്ധിച്ച് റാക്ക് ഓഡിറ്റോറിയത്തിൽ നടന്ന ഭിന്നശേഷിക്കാരുടെ ' മ്യൂസിക്ക് ഓൺ വീൽസ് ' ഗാനമേളക്കിടെ ഇന്നലെ രാത്രി ഒമ്പതരയോടെയാണ് സംഭവം. വേദിയിൽ പാട്ടു പാടിയ കബീർ ഇറങ്ങി വന്ന് മുച്ചക്ര സ്‌കൂട്ടറിൽ ഇരിക്കവെ കുഴഞ്ഞുവീഴുകയായിരുന്നു . ഓൾ കേരള വീൽചെയർ റൈറ്റ്‌സ് ഫെഡറേഷൻ അംഗമാണ്. ഖബറടക്കം ഇന്ന് മതിലകം ജുമാ മസ്ജിജിദ് ഖബർസ്ഥാനിൽ നടക്കും.
Next Story
Adjust Story Font
16
