വ്യാജ വാർത്ത; ഓൺലൈൻ മാധ്യമത്തിനെതിരെ പരാതി നൽകി മന്ത്രി എം. ലിജു

തിരുവനന്തപുരം: വ്യാജ പ്രചാരണം നടത്തിയ ഓൺലൈൻ മാധ്യമത്തിനെതിരെ പരാതി നൽകി മന്ത്രി എം.ലിജു. സംസ്ഥാന മേധാവിക്കാണ് പരാതി നൽകിയത്. ചുമതലക്കാരൻ മന്ത്രി ആലപ്പുഴയിൽ എത്തിയത് വെള്ളം കയറി ആറാം നാൾ എന്ന തലക്കെട്ടോടെയായിരുന്നു വാർത്ത. ടി 21 എന്ന ഓൺലൈൻ ചാനലിനെതിരെയാണ് പരാതി നൽകിയിരിക്കുന്നത്. വാർത്ത അടിസ്ഥാനരഹിതവും ആളുകളെ തെറ്റിദ്ധരിപ്പിക്കുന്നതുമാണെന്നാണ് പരാതി. ദുരന്തനിവാരണ സംവിധാനങ്ങളുടെ പ്രവർത്തനങ്ങളെ തടസ്സപ്പെടുത്തുക, സർക്കാരിന്റെ പ്രതിച്ഛായ മോശമാക്കുക എന്നിവയാണ് വാർത്തയുടെ ലക്ഷ്യമെന്നും പരാതിയിലുണ്ട്.

ഇത്തരം വാർത്തകൾ ദുരന്തനിവാരണ പ്രോട്ടോക്കോളിന്റെയും ക്രമസമാധാനത്തിന്റെയും നഗ്നമായ ലംഘനമാണെന്നും വാർത്ത ചെയ്തവർക്കെതിരെ അടിയന്തര നടപടി സ്വീകരിക്കണമെന്നും പരാതിയിൽ പറയുന്നുണ്ട്. വാർത്തയുടെ ലിങ്ക് നീക്കം ചെയ്യാൻ നടപടി സ്വീകരിക്കണമെന്നും എം. ലിജു ആവശ്യപ്പെട്ടു.