ഓരോ ദിവസവും ഇന്ധന വില റോക്കറ്റ് പോലെ കുതിച്ചുകൊണ്ടിരിക്കുകയാണ്. നൂറ് കടന്ന ഇന്ധന വിലയെക്കുറിച്ചുള്ള ട്രോളുകള് സോഷ്യല്മീഡിയയില് നിറയുകയാണ്. ഈ സാഹചര്യത്തില് സൈക്കിളിംഗാണ് ആരോഗ്യത്തിന് നല്ലതെന്ന് ബോളിവുഡ് നടി സണ്ണി ലിയോണ് ഫേസ്ബുക്കില് കുറിച്ചു. ഒപ്പം സൈക്കിളിനൊപ്പമുള്ള ചിത്രങ്ങളും നടി പങ്കുവച്ചിട്ടുണ്ട്. സണ്ണി ലിയോണിന്റെ പോസ്റ്റിന് താഴെ കേന്ദ്ര സര്ക്കാരിനെ വിമര്ശിച്ചുകൊണ്ട് നിരവധി പേരാണ് രംഗത്തെത്തുന്നത്.
പെട്രോളിന് ലിറ്ററിന് 35 പൈസയും ഡീസലിന് പത്ത് പൈസയുമാണ് ഇന്ന് കൂടിയത്. ഇതോടെ തിരുവനന്തപുരത്ത് പെട്രോള് വില 102.54 രൂപയിലെത്തി, ഡീസല് 96.21 രൂപ എന്ന നിലയിലുമെത്തി. കോഴിക്കോട് പെട്രോൾ വില 101.രൂപ 03 പൈസയും ഡീസലിന് 94 രൂപ 82 പൈസയുമാണ് വില. കൊച്ചിയിൽ പെട്രോളിന് 100 രൂപ 61 പൈസയും ഡീസലിന് 95.44 രൂപ പൈസയുമായി.