അര്ജുന് അശോകന്റെ റോഡ് മൂവി; 'ഖജുരാഹോ ഡ്രീംസ്' ഫസ്റ്റ് ലുക്ക് പുറത്ത്
അര്ജുന് അശോകന്, ഷറഫുദ്ദീന്, ശ്രീനാഥ് ഭാസി, ധ്രുവന്, അതിഥി രവി എന്നിവരാണ് സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നത്
Update: 2023-03-30 14:52 GMT
ഒരിടവേളക്ക് ശേഷം മലയാളത്തില് വീണ്ടും റോഡ് മൂവിയെത്തുകയാണ്. മനോജ് വാസുദേവ് സംവിധാനം ചെയ്യുന്ന 'ഖജുരാഹോ ഡ്രീംസ്'. അര്ജുന് അശോകന്, ഷറഫുദ്ദീന്, ശ്രീനാഥ് ഭാസി, ധ്രുവന്, അതിഥി രവി എന്നിവരാണ് സിനിമയിലെ പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തിറങ്ങി.
ഗുഡ് ലൈന് പ്രൊഡക്ഷന്സിന്റെ ബാനറില് എം.കെ നാസറാണ് ചിത്രം നിര്മിക്കുന്നത്. കോമഡി പശ്ചാത്തലത്തിലൂടെ കഥ പറയുന്ന ഈ മള്ട്ടിസ്റ്റാര് ചിത്രത്തില് ശക്തമായൊരു സാമൂഹിക പ്രശ്നം കൂടി ചര്ച്ച ചെയ്യുന്നുണ്ടെന്ന് അണിയറ പ്രവര്ത്തകര് പറയുന്നു. മലയാള സിനിമയില് ഇതുവരെ കാണാത്ത ലൊക്കേഷനുകളിലാണ് ചിത്രീകരണം. മധ്യപ്രദേശിലെ പ്രസിദ്ധ ക്ഷേത്രമായ ഖജുരാഹോ ക്ഷേത്രം ചിത്രത്തിലെ സുപ്രധാന ലൊക്കേഷനുകളില് ഒന്നാണ്.
സൗഹൃദത്തിന്റെ കൂടി കഥയാണ് ചിത്രം പറയുന്നത്. അഞ്ച് സുഹൃത്തുക്കളുടെ ആത്മബന്ധവും ഇവര് നടത്തുന്ന റോഡ് ട്രിപ്പുമാണ് ചിത്രത്തിന്റെ പശ്ചാത്തലം. സച്ചി - സേതു കൂട്ടുകെട്ടിലെ സേതുവിന്റെതാണ് ചിത്രത്തിന്റെ തിരക്കഥ. സൂപ്പര് ഹിറ്റ് ഗാനങ്ങളിലൂടെ മലയാളികളുടെ ഹൃദയം കവര്ന്ന ഗോപിസുന്ദറാണ് ചിത്രത്തിന്റെ സംഗീതവും പശ്ചാത്തല സംഗീതവും നിര്വഹിച്ചിരിക്കുന്നത്.
ബോളിവുഡ് താരം രാജ് അർജുൻ, ജോണി ആന്റണി, ചന്തുനാഥ്, സോഹന് സീനുലാല്, സാദിഖ്, വര്ഷാ വിശ്വനാഥ്, നൈന സർവ്വാർ, രക്ഷ എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. പ്രദീപ് നായര് ഛായാഗ്രഹണവും ലിജോ പോള് എഡിറ്റിങ്ങും നിര്വഹിക്കുന്നു. ഹരിനാരായണന്റേതാണ് വരികള്. കലാസംവിധാനം - മോഹന് ദാസ്, മേക്കപ്പ്, കോസ്റ്റ്യൂം ഡിസൈന് - അരുണ് മനോഹര്, പ്രൊഡക്ഷന് എക്സിക്യൂട്ടീവ് - പ്രതാപന് കല്ലിയൂര്, സിന്ജോ ഒറ്റത്തൈക്കല്, പ്രൊഡക്ഷന് കണ്ട്രോളര് - ബാദുഷ, പി.ആര്.ഒ - ആതിര ദില്ജിത്ത്, ഫോട്ടോ - ശ്രീജിത്ത് ചെട്ടിപ്പിടി.