നിലയ്ക്കാത്ത ചിരിയുമായി 25 ദിവസങ്ങൾ പിന്നിട്ട് ബ്രോമാൻസ്
നാലാമത്തെ ആഴ്ചയിലേക്ക് കടക്കുമ്പോഴും പ്രേക്ഷകരെ ചിരിപ്പിച്ചു കൊണ്ട് ബ്ലോക്ക്ബസ്റ്റർ കുതിപ്പാണ് നടത്തുന്നത്
Update: 2025-03-07 06:43 GMT
സിറ്റുവേഷൻ കോമഡികൾ, പെർഫോമൻസുകൾ, ആക്ഷൻ ,ത്രില്ലെർ എന്നിവയെല്ലാം കൊണ്ടും പ്രേക്ഷകരെ തൃപ്തിപ്പെടുത്തി വിജയക്കുതിപ്പ് തുടർന്ന് ബ്രോമാൻസ്. നാലാമത്തെ ആഴ്ചയും തിയേറ്ററിൽ മികച്ച കളക്ഷൻ നേടിയിരിക്കുകയാണ് ചിത്രം.
100 ശതമാനം ഫാമിലി എന്റർടെയ്നറാണ് ചിത്രം പ്രേക്ഷകരിൽ നിന്ന് മികച്ച അഭിപ്രായം നേടിയാണ് മുന്നേറുന്നത്.
ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക് ഉസ്മാൻ ആണ് ചിത്രം നിർമിക്കുന്നത്. ജോ ആൻഡ് ജോ, 18 പ്ലസ്, എന്നീ സിനിമകൾക്ക് ശേഷം അരുൺ ഡി ജോസിന്റെ സംവിധാനത്തിൽ അരുൺ ഡി ജോസ്, തോമസ് പി സെബാസ്റ്റ്യൻ, രവീഷ്നാഥ് എന്നിവർ ചേർന്നാണ് ചിത്രത്തിന് തിരക്കഥയും സംഭാഷണവും ഒരുക്കിയിരിക്കുന്നത്.
ചിരിയും, സസ്പെൻസും, പ്രണയവും സൗഹൃദവും, ആക്ഷനും നിറഞ്ഞ ഒരടിപൊളി കളർ ചിത്രമാണ് ബ്രോമാൻസ്. ഗോവിന്ദ് വസന്തയുടെ സംഗീതവും പശ്ചാത്തല സംഗീതവും ചിത്രത്തെ വേറെ ലെവലിലെത്തിക്കുന്നു. അർജുൻ അശോകൻ, സംഗീത്, കലാഭവൻ ഷാജോൺ, മാത്യു, മഹിമ നമ്പ്യാർ എന്നിവരുടെ അഭിനയം എടുത്തു പറയേണ്ടതാണ്. സംഗീത് പ്രതാപ്, അർജുൻ അശോകൻ തുടങ്ങിയവർ അവസാന 30 മിനുട്ട് ഗംഭീര പ്രകടനമാണ് കാഴ്ച വെച്ചിരിക്കുന്നതെന്ന് പ്രേക്ഷകർ പറയുന്നു.
എഡിറ്റിംഗ് - ചമൻ ചാക്കോ, ക്യാമറ - അഖിൽ ജോർജ്, ആർട്ട് - നിമേഷ് എം താനൂർ, മേക്കപ്പ് - റോണേക്സ് സേവ്യർ, കോസ്റ്റ്യും - മഷർ ഹംസ, പ്രൊഡക്ഷൻ കൺട്രോളർ - സുധർമ്മൻ വള്ളിക്കുന്ന്, ചീഫ് അസോസിയേറ്റ് - രജിവൻ അബ്ദുൽ ബഷീർ, ഡിസൈൻ - യെല്ലോ ടൂത്, വിതരണം - സെൻട്രൽ പിക്ചർസ്, പി.ആർ.ഓ - റിൻസി മുംതാസ്, സീതലക്ഷ്മി ഡിജിറ്റൽ മാർക്കറ്റിങ് - ഒബ്സ്ക്യൂറ എന്റർടൈൻമെന്റ്.