കല്യാണക്കഥയുമായി 'ഉപചാരപൂർവ്വം ഗുണ്ട ജയൻ' ട്രെയിലർ പുറത്ത്

നാടൻ കല്യാണക്കഥ പറയുന്ന 'ഉപചാരപൂർവ്വം ഗുണ്ട ജയൻ' സിനിമയുടെ ട്രെയിലർ പുറത്ത്. ഫെബ്രുവരി 25 ന് തിയറ്റിലെത്തുന്ന ചിത്രം ദുൽഖർ സൽമാന്റെ വേഫറർ ഫിലിംസും സെബാബ് ആനിക്കാടും ചേർന്നാണ് നിർമ്മിച്ചിരിക്കുന്നത്. അരുൺ വൈഗയാണ് സംവിധാനം ചെയ്യുന്നത്. സൈജു കുറുപ്പിന്റെ നൂറാമത് സിനിമയെന്ന പ്രത്യേകതയും ചിത്രത്തിനുണ്ട്. ചിത്രത്തിന് തിരക്കഥയെഴുതിയിരിക്കുന്നത് രാജേഷ് വർമ്മയാണ്.

Full View

ചിത്രത്തിൽ സൈജു കുറുപ്പ്, സിജു വിൽസൺ, ശബരീഷ് വർമ്മ എന്നിവരാണ് പ്രധാന കഥാപാത്രങ്ങളെ കൈകാര്യം ചെയ്യുന്നത്. ജോണി ആന്റണി, സാബു മോൻ, സുധീർ കരമന, ജാഫർ ഇടുക്കി, ബിജു സോപാനം, വിജിലേഷ്, ബൈജു ഏഴുപുന്ന, സാഗർ സൂര്യ, വൃന്ദ മേനോൻ, നയന, പാർവതി തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഹരി നാരായണന്റെ വരികൾക്ക് ബിജി ബാലാണ് സംഗീതം നിർവഹിച്ചിരിക്കുന്നത്. ഛായാഗ്രഹണം എൽദോ ഐസക,് എഡിറ്റിംഗ് കിരൺ ദാസ്, സൗണ്ട് ഡിസൈൻ വിഷ്ണു ഗോവിന്ദ് ശ്രീ ശങ്കർ എന്നിവരും നിർവഹിച്ചിരിക്കുന്നു.

Full View