'ജയ് ഭീം' ഫസ്റ്റ് ലുക്ക് പോസ്റ്റർ പുറത്ത്
ടി ജെ ജ്ഞാനവേല് സംവിധാനം ചെയ്യുന്ന ചിത്രത്തിൽ മലയാളി താരം രജിഷ വിജയനാണ് സൂര്യയുടെ നായിക
Update: 2021-07-23 16:16 GMT
തമിഴ് ചലച്ചിത്രതാരം സൂര്യ നായകനായെത്തുന്ന 'ജയ് ഭീം' എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്. ടി ജെ ജ്ഞാനവേല് സംവിധാനം ചെയ്യുന്ന ചിത്രത്തിൽ മലയാളി താരം രജിഷ വിജയനാണ് സൂര്യയുടെ നായിക. വക്കീൽ വേഷത്തിലാണ് സൂര്യ ചിത്രത്തിലെത്തുന്നത്. സൂര്യയുടെ കരിയറിലെ 39-ാം ചിത്രം കൂടിയാണ് ജയ് ഭീം. താരത്തിന്റെ പിറന്നാളിനോടനുബന്ധിച്ചായിരുന്നു ഫസ്റ്റ് ലുക്ക് റിലീസ് ചെയ്തത്.
പ്രകാശ് രാജ്, മലയാളിയായ ലിജോമോള് ജോസ് എന്നിവരും ജയ് ഭീമിൽ പ്രധാനവേഷങ്ങളിലെത്തും. മണികണ്ഠനാണ് ചിത്രത്തിെൻറ രചന നിർവഹിക്കുന്നത്. എസ്ആര് കതിറാണ് ഛായാഗ്രഹണം. ഫിലോമിന് രാജാണ് എഡിറ്റിങ്, അന്ബറിവ് ആക്ഷന് കൊറിയോഗ്രഫി, പൂര്ണ്ണിമ രാമസ്വാമി വസ്ത്രാലങ്കാരവും നിർവഹിക്കുന്നു. 2ഡി എന്റര്ടെയ്ന്മെന്റിന്റെ ബാനറില് സൂര്യ തന്നെയാണ് ജയ് ഭീം നിര്മിക്കുന്നത്.