ഒമാനിൽ ഇലക്ട്രോണിക് മാലിന്യങ്ങളുടെ കയറ്റുമതി നിരോധിക്കും

മസ്കത്ത്: ഒമാനിൽ ഇലക്ട്രോണിക് മാലിന്യങ്ങളുടെ കയറ്റുമതി നിരോധിക്കും. മാർച്ച് 1 മുതലാണ് നിയമം പ്രാബല്യത്തിൽ വരുക. 2026 മുതൽ ഇലക്ട്രോണിക് മാലിന്യങ്ങൾ കയറ്റുമതി ചെയ്യുന്നത് നിരോധിച്ചതായും കയറ്റുമതി പെർമിറ്റുകൾ നൽകുന്നത് നിർത്തിവെച്ചതായും എൻവയോൺമെന്റ് അതോറിറ്റി അറിയിച്ചു. ഇനിയൊരു അറിയിപ്പ് ഉണ്ടാകുന്നത് വരെ ഈ നിയന്ത്രണം തുടരും. മാലിന്യ സംസ്‌കരണ മേഖല വികസിപ്പിക്കുന്നതിന്റെ ഭാഗമായാണ് ഈ തീരുമാനമെന്ന് അതോറിറ്റി പ്രസ്താവനയിൽ പറഞ്ഞു. കൂടാതെ, രാജ്യത്തെ പ്രാദേശിക മാലിന്യ പുനരുപയോഗ പ്ലാന്റുകളെ പിന്തുണക്കുക എന്നതും ഈ തീരുമാനത്തിന്റെ ലക്ഷ്യമാണ്.