പ്യൂർട്ടോ റിക്കോയോ 3-0ന് തകർത്തുവിട്ടു; ലോകകപ്പിന് മുമ്പേ വരവറിയിച്ച് സൗദി

റിയാദ്: 2026 ലോകകപ്പിന് സജ്ജരെന്ന് തെളിയിച്ച് സൗദി. സൗഹൃദ മത്സരത്തിൽ പ്യൂർട്ടോ റിക്കോയോ എതിരില്ലാത്ത മൂന്ന് ഗോളിന് തകർത്തുവിട്ടാണ് ഗ്രീൻ ഫാൽക്കൺസ് വരവറിയിച്ചത്. തയ്യാറെടുപ്പുകളുടെ ഭാഗമായി, ശനിയാഴ്ച രാവിലെ ഓസ്റ്റിനിലെ ക്യു 2 സ്റ്റേഡിയത്തിലായിരുന്നു സൗഹൃദ മത്സരം. മത്സരത്തിന്റെ 45+1, 51, 88 മിനിറ്റുകളിൽ സുൽത്താൻ മൻദാഷ്, അബ്ദുല്ല അൽഹംദാൻ, സാലിം അൽദൗസാരി എന്നിവരാണ് സൗദിക്കായി ഗോളുകൾ നേടിയത്.