യമൻ പ്രതിസന്ധി; 'സതേൺ ട്രാൻസിഷണൽ കൗൺസിൽ നടത്തിയ സമീപകാല നീക്കങ്ങൾ പ്രശ്നം വഷളാക്കി'

റിയാദ്: സതേൺ ട്രാൻസിഷണൽ കൗൺസിൽ പ്രതിനിധി സംഘവുമായി കൂടിക്കാഴ്ച നടത്തി സൗദിയിലെ യമൻ അംബാസഡർ മുഹമ്മദ് അൽ ജാബിർ. റിയാദിൽ നടന്ന കൂടിക്കാഴ്ചയിൽ യമൻ പ്രതിസന്ധിയുമായി ബന്ധപ്പെട്ട കൗൺസിൽ നീക്കങ്ങൾ വിലയിരുത്തി. കൗൺസിൽ പ്രസിഡന്റ് ഐദറൂസ് അൽ-സുബൈദിയുടെ നിർദേശപ്രകാരം നടത്തിയ സമീപകാല നീക്കങ്ങൾ പ്രശ്നം വഷളാക്കിയെന്ന് ചർച്ചയിൽ ചൂണ്ടിക്കാട്ടി.

തെക്കൻ യമൻ പ്രതിസന്ധി പരിഹരിക്കാനുള്ള പ്രവർത്തന മാർ​ഗങ്ങൾ കൂടിക്കാഴ്ചയിൽ വിശകലനം ചെയ്തു. പ്രതിസന്ധി പരിഹാരത്തിനായി റിയാദിൽ നടക്കാനിരിക്കുന്ന കോൺഫറൻസിന്റെ ഒരുക്കങ്ങളും ചർച്ചയായി. പ്രശ്ന പരിഹാരത്തിനായുള്ള സൗദിയുടെ ശ്രമങ്ങളെ കൗൺസിൽ പ്രസിഡൻസി അംഗം മുഹമ്മദ് അൽ-ഘൈതി പ്രശംസിച്ചു.