യു.എ.ഇ ഇന്ധന വിലയിൽ നേരിയ കുറവ്; പെട്രോളിന് രണ്ട് ഫിൽസ് കുറച്ചു

യു.എ.ഇയിൽ ഇന്ന് മുതൽ പെട്രോൾ വിലയിൽ നേരിയ കുറവ് നിലവിൽ വന്നു. കഴിഞ്ഞ മാസത്തെ അപേക്ഷിച്ച് ലിറ്ററിന് രണ്ട് ഫിൾസാണ് പെട്രോളിന് കുറഞ്ഞത്. എന്നാൽ ഡീസൽ വില ലിറ്ററിന് 27 ഫിൽസ് കുറഞ്ഞിട്ടുണ്ട്. നവംബറിൽ യു.എ.ഇയിലെ പെട്രോൾ വില കുത്തനെ ഉയർന്നതിനാൽ ഈ മാസവും വില ഉയരുമെന്ന ആശങ്കകൾ നിലനിൽക്കെയാണ് ഇന്ധനവില നേരിയ തോതിലെങ്കിലും കുറച്ചു എന്ന ഊർജമന്ത്രാലയത്തിന്‍റെ പ്രഖ്യാപനം വന്നത്.