കേന്ദ്ര വി​ദേശകാര്യ മന്ത്രി ഡോ. എസ്​. ജയ്​ശങ്കർ യു.എ.ഇയി​ലെത്തി

ത്രിദിന സന്ദർശനത്തിനായി കേന്ദ്ര വി​ദേശകാര്യ മന്ത്രി ഡോ. എസ്​. ജയ്​ശങ്കർ. യു.എ.ഇയി​ലെത്തി. ഇന്ത്യ, യു.എ.ഇ സമഗ്ര സാമ്പത്തിക കരാർ അവലോകനം ഉൾപ്പെടെ നിരവധി സുപ്രധാന യോഗങ്ങളിൽ ജയശങ്കർ പങ്കെടുക്കും.ഗൾഫ്​ സുരക്ഷ ഉൾപ്പെടെ മേഖലയുമായി ബന്ധപ്പെട്ട വിഷയങ്ങളും യു.എ.ഇ നേതൃത്വവുമായുള്ള യോഗത്തിൽ ചര്‍ച്ചയാകും.

ദുബൈ വിമാനത്താവളത്തിലെത്തിയ ​മന്ത്രിയെ യു.എ.ഇവിദേശകാര്യ- അന്താരാഷ്​ട്ര സഹകരണ വകുപ്പ്​ അസി. അണ്ടർസെക്രട്ടറി അബ്​ദുല്ല മുഹമ്മദ്​അൽബുലൂകി, യു.എ.ഇയിലെഇന്ത്യൻ അംബാസിഡർ സഞ്ജയ്​ സുധീർ, ദുബൈ ഇന്ത്യൻ കോൺസുലേറ്റ്​ ജനറൽ ഡോ. അമൻ പുരി എന്നിവർ ചേർന്ന്​സ്വീകരിച്ചു. തുടർന്ന്​ യു.എ.ഇസഹിഷ്ണുതാ, സഹവർത്തിത്വകാര്യ വകുപ്പ്​ മന്ത്രി ശൈഖ്​നഹ്​യാൻ ബിൻ മുബാറക്​ആൽ നഹ്​യാനുമായിഅ​ദ്ദേഹം ചർച്ച നടത്തി. ഐക്യത്തോടെ നിലനിലക്കുന്ന ഒരു സമൂഹം കെട്ടിപ്പടുക്കുന്നതിന്​യു.എ.ഇനടത്തുന്ന പരിശ്രമങ്ങളെ എസ്​. ജയ്​ശങ്കർ അഭിനന്ദിച്ചു. ഇന്ത്യൻ പ്രവാസി സമൂഹത്തിന്​യുഴ്.എ.ഇ നൽകുന്ന പരിഗണനക്കും സഹായത്തിനും നന്ദിയറിയിക്കാനും അദ്ദേഹം മറന്നില്ല..

അബൂദബിയിലെനിർമാണം പുരോഗമിക്കുന്ന ഹിന്ദുക്ഷേത്രം മന്ത്രി ശയശങ്കർ സന്ദർശിച്ചു. ക്ഷേത്ര ഭരണസമിതിയുമായി ബന്​ധപ്പെട്ട ഉദ്യോഗസ്ഥരുമായും തൊഴിലാളികളുമായും അഡേദ്ദഹം സംവദിച്ചു. ഇന്ത്യ-യു.എ.ഇസഹകരണവുമായി ബന്ധപ്പെട്ട 14-ാമത് ഇന്ത്യ-യു.എ.ഇജോയിന്‍റ്​കമ്മീഷൻ മീറ്റിങിലും മൂന്നാമത് സ്ട്രാറ്റജിക് ഡയലോഗിലും യു.എ.ഇവിദേശകാര്യ- അന്താരാഷ്​ട്ര സഹകരണ വകുപ്പ്​ മന്ത്രി ശൈഖ്​അബ്​ദുല്ല ബിൻ സായിദ്​ആൽ നഹ്​യാനൊപ്പംഅദ്ദേഹം സംബന്​ധിക്കും.