വട്ടിയൂര്ക്കാവില് വീണ, വിഷ്ണുനാഥ് കുണ്ടറയില്, സിദ്ദിഖ് കല്പറ്റയില്; കോണ്ഗ്രസ് പട്ടികയായി
നിയമസഭാ തെരഞ്ഞെടുപ്പിൽ ബാക്കിയുള്ള ഏഴ് സീറ്റുകളിൽ ആറിടത്തേയ്ക്കുള്ള സ്ഥാനാർഥി പട്ടിക കോൺഗ്രസ് പ്രഖ്യാപിച്ചു.
നിയമസഭാ തെരഞ്ഞെടുപ്പിൽ ബാക്കിയുള്ള ഏഴ് സീറ്റുകളിൽ ആറിടത്തേയ്ക്കുള്ള സ്ഥാനാർഥി പട്ടിക കോൺഗ്രസ് പ്രഖ്യാപിച്ചു. വട്ടിയൂര്ക്കാവില് വീണ നായര് കോണ്ഗ്രസ് സ്ഥാനാര്ഥിയാകും. പി.സി.വിഷ്ണുനാഥ് കുണ്ടറയില് മത്സരിക്കും.
ടി.സിദ്ദിഖ് കല്പറ്റയിലും വി.വി.പ്രകാശ് നിലമ്പൂരും ഫിറോസ് കുന്നംപറമ്പില് തവനൂരിലും സ്ഥാനാര്ഥിയാകും. പട്ടാമ്പിയില് റിയാസ് മുക്കോളിയാണ് സ്ഥാനാര്ഥി. ധര്മടം മണ്ഡലത്തില് മുഖ്യമന്ത്രി പിണറായി വിജയനെതിരെ മത്സരിക്കുന്ന വാളയാര് പെണ്കുട്ടികളുടെ അമ്മയ്ക്ക് യുഡിഎഫ് പിന്തുണ നല്കിയേക്കും. യുഡിഎഫ് പിന്തുണ നൽകിയാൽ സ്വീകരിക്കുമെന്ന് വാളയാർ പെൺകുട്ടികളുടെ അമ്മ അറിയിച്ചിരുന്നു.
ഔദ്യോഗിക സ്ഥാനാർത്ഥി പ്രഖ്യാപനം വരും മുമ്പെ തവനൂരിൽ റോഡ് ഷോയുമായി ഫിറോസ് കുന്നംപറമ്പിൽ രംഗത്ത് എത്തിയിരുന്നു. എടപ്പാൾ വട്ടംകുളത്ത് നിന്നാരംഭിച്ച യാത്രയിൽ യൂത്ത് കോൺഗ്രസ്, യൂത്ത് ലീഗ് പ്രവർത്തകർ അണിനിരന്നിരുന്നു.