ന്യൂസിലന്റില് മന്ത്രിയായി മലയാളി പ്രിയങ്ക രാധാകൃഷ്ണന്
എറണാകുളം സ്വദേശി പ്രിയങ്കാ രാധാകൃഷ്നാണ് ജസീന്ത ആര്ഡേണ് മന്ത്രിസഭയില് ഇടംനേടിയത്
ന്യൂസിലന്റില് മന്ത്രിയായി മലയാളിയും. പ്രിയങ്കാ രാധാകൃഷ്നാണ് ജസീന്ത ആര്ഡേണ് മന്ത്രിസഭയില് ഇടംനേടിയത്. എറണാകുളം പറവൂര് സ്വദേശിയാണ് പ്രിയങ്ക. പ്രിയങ്കക്ക് മൂന്ന് വകുപ്പുകളുടെ ചുമതലയാണുള്ളത്. സാമൂഹികം, യുവജനക്ഷേമം, സന്നദ്ധ മേഖല എന്നിവയുടെ ചുമതലയാണ് പ്രിയങ്കക്കുള്ളത്.
എറണാകുളം ജില്ലയിലെ പറവൂര് മാടവനപ്പറമ്പ് രാമന് രാധാകൃഷ്ണന് - ഉഷ ദമ്പതികളുടെ മകളാണ് പ്രിയങ്ക. പ്രിയങ്കയുടെ കുട്ടിക്കാലം സിംഗപ്പൂരിലായിരുന്നു. പിന്നീട് ന്യൂസിലന്റിലെത്തി സാമൂഹ്യപ്രവര്ത്തനങ്ങളില് സജീവമായി. 2006ലാണ് പ്രിയങ്ക ലേബര് പാര്ട്ടിയില് അംഗമായത്. 2017ല് എംപിയായി തെരഞ്ഞെടുക്കപ്പെട്ടു. 2019ല് പാര്ലമെന്ററി പ്രൈവറ്റ് സെക്രട്ടറിയായി. കഴിഞ്ഞ മാസം നടന്ന തെരഞ്ഞെടുപ്പില് വിജയിച്ചതോടെ മന്ത്രിസ്ഥാനവും പ്രിയങ്കയെ തേടിയെത്തി.
Priyanca Radhakrishnan - Minister for the Community and Voluntary Sector, Diversity Inclusion and Ethnic Communities, Youth, Associate Social Development, Employment.
— Maiki Sherman (@MaikiSherman) November 2, 2020
പ്രിയങ്കയോടൊപ്പം ജസീന്ത കഴിഞ്ഞ വര്ഷം മലയാളികള്ക്ക് ഓണാശംസ നേര്ന്നിരുന്നു. ജസീന്തയുടെ ആശംസ പ്രിയങ്ക സോഷ്യല് മീഡിയയില് പങ്കുവെക്കുകയായിരുന്നു.
ന്യൂസിലന്റില് രണ്ടാംവട്ടവും പ്രധാനമന്ത്രിയായ ജസീന്ത ആര്ഡന് മന്ത്രിസഭയില് സ്ത്രീപ്രാതിനിധ്യം ഉറപ്പ് വരുത്തിയിട്ടുണ്ട്. തനിച്ച് സര്ക്കാര് രൂപീകരിക്കാനുള്ള ഭൂരിപക്ഷം നേടിയിരുന്നു ജസീന്തയുടെ ലേബര് പാര്ട്ടി. 120ല് 64 സീറ്റുകള് ലേബര് പാര്ട്ടി സ്വന്തമാക്കി. 49 ശതമാനം വോട്ടാണ് നേടിയത്. 1996ന് ശേഷം ഒരു പാര്ട്ടി തനിച്ച് ന്യൂസിലന്രില് ഇത്രയും സീറ്റുകള് നേടുന്നത് ആദ്യമാണ്.