പത്തനംതിട്ട: റാന്നിയില് എസ്.എഫ്.ഐ നേതാവിന് നേരെ ആക്രമണം. റാന്നി ഏരിയാ ജോയിന്റ് സെക്രട്ടറി വൈശാഖ് ചന്ദ്രന് നേരെയാണ് ആക്രമണമുണ്ടായത്.
ആറംഗ സംഘമാണ് ആക്രമണം നടത്തിയത്. ഇവർ ബൈക്കിലെത്തി ആക്രമണം നടത്തുകയായിരുന്നു. വൈശാഖിന്റെ വീടിന് സമീപത്തുവച്ചായിരുന്നു ആക്രമണം.
ഉച്ചയോടെ ഡി.വൈ.എഫ്.ഐ സംസ്ഥാന കമ്മിറ്റി അംഗത്തിന്റെ വീടിന് നേരെ കല്ലേറുണ്ടായിരുന്നു. സംസ്ഥാന കമ്മറ്റിയംഗം ദിപു പ്രേംനാഥിന്റെ മുക്കം മണാശേരിയിലെ വീടിന് നേരെയാണ് ആക്രമണമുണ്ടായത്. കല്ലെറിഞ്ഞ മണാശേരി മുത്താലം സ്വദേശി ചോലക്കുഴി രാതുലിനെ പൊലീസ് പിടികൂടി.
ഉച്ചയ്ക്ക് 2.30ഓടെയാണ് സംഭവം. ബൈക്കിലെത്തിയ രാതുൽ വീടിനു നേരെ കല്ലെറിയുകയായിരുന്നു. വാതിലിനും ചുമരിനും ജനലിനും നേരെ നിരവധി കല്ലുകളെറിഞ്ഞതായി ദിപു പറഞ്ഞു. ദൃക്സാക്ഷികള് നല്കിയ വിവരത്തിന്റെ അടിസ്ഥാനത്തില് നടത്തിയ അന്വേഷണത്തിലാണ് പ്രതി പിടിയിലായത്.
ലഹരി മാഫിയയാണ് ആക്രമണത്തിന് പിന്നിലെന്ന് ഡി.വൈ.എഫ്.ഐ പറഞ്ഞു. ലഹരി ഉപയോഗിച്ചിരുന്ന രാതുലിനെ ദിപു പ്രേംനാഥും ഡി.വൈ.എഫ്.ഐ പ്രവര്ത്തകരും നേരത്തെ വിലക്കിയിരുന്നു. ഇതിന്റെ വൈരാഗ്യമാണ് ആക്രമണത്തിന് കാരണമെന്നും ഡി.വൈ.എഫ്.ഐ നേതാക്കള് അറിയിച്ചു.