ആലപ്പുഴയിൽ ബോട്ടുകൾ കൂട്ടിയിടിച്ച് മത്സ്യത്തൊഴിലാളിയെ കാണാതായി

ആലപ്പുഴ: തൃക്കുന്നപ്പുഴയിൽ വള്ളങ്ങൾ തമ്മിൽ കൂട്ടിയിടിച്ചുണ്ടായ അപകടത്തിൽ ഒരു മത്സ്യത്തൊഴിലാളിയെ കടലിൽ വീണ് കാണാതായി. അഴീക്കലിൽ നിന്ന് മത്സ്യബന്ധനത്തിനു പോയ മകരമത്സ്യം, ധർമ്മശാസ്താവു വള്ളങ്ങളാണ് കൂട്ടിയിടിച്ചത് .

കൊല്ലം അഴീക്കൽ സ്വദേശി കണ്ണനെയാണ് (50) കാണാതായത്.കോസ്റ്റൽ പൊലീസിന്റെ നേതൃത്വത്തിൽ തെരച്ചിൽ തുടരുകയാണ്. പരിക്കേറ്റ അഞ്ച് മത്സ്യത്തൊഴിലാളികളെ ആലപ്പുഴ വണ്ടാനം മെഡിക്കൽ കോളജിൽ പ്രവേശിപ്പിച്ചു .ഇന്ന് പുലർച്ചെ അഞ്ചരയോടെയായിരുന്നു അപകടം.