തിരുവനന്തപുരം: കേശവദാസപുരം മുതൽ അങ്കമാലി വരെ എംസി റോഡ് നാലുവരിയാക്കി വികസിപ്പിക്കുന്നതിന് കിഫ്ബിയിൽ നിന്ന് 5217 കോടി രൂപ നൽകും. പദ്ധതിയുടെ ഡിപിആർ തയ്യാറാക്കിയിട്ടുണ്ട്. കിളിമാനൂർ- നിലമേൽ- ചടയമംഗലം- ആയൂർ- കൊട്ടാരക്കര- പന്തളം- ചെങ്ങന്നൂർ പാതയാണ് ആദ്യഘട്ടത്തിൽ വീതി കൂട്ടുക. പ്രധാന ജങ്ഷനുകളിൽ ബൈപ്പാസ് നിർമിക്കും.
അങ്കമാലി- എരുമേലി ശബരി റെയിൽപാത നിർമാണത്തിന് സംസ്ഥാന വിഹിതമായി കിഫ്ബിയിൽ നിന്ന് 1900 കോടി രൂപ അനുവദിക്കാനും തീരുമാനിച്ചിട്ടുണ്ട്. 3800 കോടി രൂപയാണ് പദ്ധതിയുടെ പുതുക്കിയ എസ്റ്റിമേറ്റ്. കിഫ്ബി വിഹിതം ഉപയോഗിച്ച് കേരളം ഭൂമി ഏറ്റെടുത്ത് നൽകുന്ന മുറക്ക് റെയിൽവേ, പാതയുടെ നിർമാണം ആരംഭിക്കും. ഇന്നലെ മുഖ്യമന്ത്രിയുടെ അധ്യക്ഷതയിൽ ചേർന്ന കിഫ്ബി ബോർഡ് ഓഫ് ഡയറക്ടേഴ്സ് യോഗത്തിലാണ് തീരുമാനം.
കിഫ്ബി അംഗീകരിച്ച മറ്റു പദ്ധതികൾ