കൊല്ലം കലക്ടറേറ്റ് സ്ഫോടനക്കേസ്; ശിക്ഷാവിധി മറ്റന്നാൾ
ശിക്ഷാവിധിയിലെ വാദം പൂർത്തിയായി
Update: 2024-11-05 09:49 GMT
കൊല്ലം: കൊല്ലം കലക്ടറേറ്റ് സ്ഫോടനക്കേസിൽ മറ്റന്നാൾ( നവംബർ ഏഴ്) ശിക്ഷ വിധിക്കും. ശിക്ഷാവിധിയിന്മേലുള്ള വാദം കോടതിയിൽ പൂർത്തിയായി. ജീവപര്യന്തം നൽകണമെന്ന് പ്രോസിക്യൂഷനും ഏറ്റവും കുറഞ്ഞ ശിക്ഷ നൽകണമെന്ന് പ്രതിഭാഗവും വാദിച്ചു. കൊല്ലം പ്രിൻസിപ്പൽ സെഷൻസ് കോടതിയാണ് ശിക്ഷ വിധിക്കുക.
കേസിൽ ഒന്ന് മുതൽ മൂന്ന് വരെ പ്രതികൾ കുറ്റക്കാരെന്ന് കോടതി കഴിഞ്ഞ ദിവസം കണ്ടെത്തിയിരുന്നു. നാലാം പ്രതി ഷംസുദ്ദീനെ വെറുതെവിട്ടു. തമിഴ്നാട് സ്വദേശികളായ അബ്ബാസ് അലി, ശംസൂൺ കരീംരാജ, ദാവൂദ് സുലൈമാൻ, എന്നിവരാണ് കുറ്റക്കാരെന്ന് കണ്ടെത്തിയത്.
2016 ജൂണ് 15നാണ് സ്ഫോടനമുണ്ടാകുന്നത്. മുന്സിഫ് കോടതിക്കും സബ് ട്രഷറിക്കുമിടയില് നിര്ത്തിയിട്ടിരുന്ന ജീപ്പിന് സമീപത്തായിരുന്നു സ്ഫോടനം. രണ്ട് ചോറ്റുപാത്രങ്ങള്ക്കുള്ളില് ഡിറ്റണേറ്ററുകളും ബാറ്ററിയും വെടിമരുന്നും നിറച്ചാണ് സ്ഫോടനം നടത്തിയത്. സംഭവത്തില് ഒരാള്ക്ക് പരിക്കേറ്റിരുന്നു. ആന്ധ്രാപ്രദേശിലെ ചിറ്റൂര്, നെല്ലൂര്, മൈസൂരു എന്നിവിടങ്ങളിലെ കോടതിവളപ്പില് ആ വര്ഷം സ്ഫോടനമുണ്ടായിരുന്നു. ഷംസൂണ് കരിം രാജയാണ് എല്ലായിടത്തും ബോംബ് സ്ഥാപിച്ചതെന്നാണ് പൊലീസ് കണ്ടെത്തിയത്.