തിരുവനന്തപുരം: വർഗീയ ശക്തികൾക്കെതിരെ എന്നും നിലകൊള്ളുന്ന പാർട്ടിയാണ് എൽഡിഎഫ് എന്ന് സിപിഐ ജനറൽ സെക്രട്ടറി ഡി.രാജ. കോൺഗ്രസിന് അത് മനസിലാകുന്നില്ലെങ്കിൽ അത് അവരുടെ തെറ്റാണെന്നും ഡി.രാജ പറഞ്ഞു.
എൽഡിഎഫ് തന്നെ മൂന്നാമതും കേരളത്തിൽ ഭരണത്തിലേക്ക് വരും. ജനങ്ങൾ ആഗ്രഹിക്കുന്നത് അത് തന്നെയാണ്. പത്തുവർഷത്തെ എൽഡിഎഫ് ഗവൺമെന്റിന്റെ മികച്ച പ്രകടനം തുടർഭരണത്തിന് വഴിതെളിക്കുമെന്ന് ഡി.രാജ അഭിപ്രായപ്പെട്ടു.
തെരഞ്ഞെടുപ്പ് സമയത്ത് ഉയർന്നുവരുന്ന ആരോപണങ്ങളെക്കുറിച്ച് ജനങ്ങൾക്ക് അറിയാമെന്ന് പറഞ്ഞ രാജ എസ്ഡിപിഐ പിന്തുണയെക്കുറിച്ച് അറിയില്ലെന്നും വ്യക്തമാക്കി. എൽഡിഎഫ് - ബിജെപി ഡീൽ ഉണ്ടെന്ന ആരോപണം രാജ നിഷേധിച്ചു.