Writer - അഞ്ജലി ശ്രീജിതാരാജ്
വെബ് ജേണലിസ്റ്റ്, മീഡിയവൺ
സോഷ്യല് മീഡിയയിലൂടെ അപമാനിച്ചു; സാന്ദ്ര തോമസിനെതിരെ മാനനഷ്ട് കേസ് നല്കി ലിസ്റ്റിന് സ്റ്റീഫന്
രണ്ട് കോടി രൂപ നഷ്ടപരിഹാരം നല്കണമെന്നാവശ്യം
Update: 2025-07-07 13:53 GMT
കൊച്ചി: നിര്മാതാവ് സാന്ദ്ര തോമസിനെതിരെ മാനനഷ്ട്ട കേസ് ഫയല് ചെയ്ത് നിര്മാതാവ് ലിസ്റ്റിന് സ്റ്റീഫന്. സാമൂഹ്യ മാധ്യമങ്ങളിലൂടെ അപമാനിച്ചെന്നാണ് കേസ്. രണ്ട് കോടി രൂപ നഷ്ടപരിഹാരം നല്കണമെന്നാവശ്യപ്പെട്ട് എറണാകുളം മജിസ്ട്രേറ്റ് കോടതിയിലാണ് കേസ് നല്കിയത്.
ലിസ്റ്റിന് സ്റ്റീഫന് മറ്റ് സംസ്ഥാനങ്ങളിലെ വട്ടിപ്പലിശക്കാരുടെ ഏജന്റായി പ്രവര്ത്തിക്കുന്നുവെന്ന് സാന്ദ്ര തോമസ് ആരോപിച്ചിരുന്നു. മലയാള സിനിമയെ നശിപ്പിക്കുന്നു, മലയാള സിനിമയെ പിടിച്ചെടുക്കാന് ശ്രമിക്കുന്നു തുടങ്ങിയ പരാമര്ശങ്ങള്ക്കെതിരെയാണ് മാനനഷ്ടക്കേസ് നല്കിയിരിക്കുന്നത്.
ലിസ്റ്റിന് സ്റ്റീഫന്റെ പൊതുവേദിയിലെ ഒരു അഭിപ്രായപ്രകടനത്തോടുള്ള പ്രതികരണം എന്ന നിലയ്ക്കാണ് സാന്ദ്ര സോഷ്യല് മീഡിയയിലൂടെ ആരോപണങ്ങള് ഉന്നയിച്ചത്. സോഷ്യല് മീഡിയയിലൂടെയുള്ള പരാമര്ശങ്ങള്ക്കെതിരെ നേരത്തെ പ്രൊഡക്ഷന് കണ്ട്രോളന്മാരും സാന്ദ്രതോമസിനെതിരെ മാനനഷ്ടക്കേസ് നല്കിയിരുന്നു.