പ്രധാനമന്ത്രിയെ നേരില്‍ കണ്ട് ഈദ് ആശംസ നേര്‍ന്ന് എം.എ യൂസുഫലി

ന്യൂഡല്‍ഹി: ലുലു ഗ്രൂപ്പ് ചെയർമാൻ എം.എ യൂസുഫലി പ്രധാനമന്ത്രി നരേന്ദ്ര മോദിയെ സന്ദർശിച്ചു. ലോക് കല്യാൺ മാർഗിലെ പ്രധാനമന്ത്രിയുടെ വസതിയിലെത്തിയായിരുന്നു കൂടിക്കാഴ്ച. ഔദ്യോഗിക വസതിയിൽ നടന്ന കൂടിക്കാഴ്ചയിൽ യൂസുഫലി പ്രധാനമന്ത്രിക്ക് ഈദ് ആശംസകൾ നേർന്നു.

ശ്രീനഗറിലും അഹമ്മദാബാദിലും ലുലു ഗ്രൂപ്പ് ആരംഭിക്കുന്ന വാണിജ്യസമുച്ചയങ്ങളുടെ പുരോഗതി പ്രധാനമന്ത്രി മോദിയുമായി നടത്തിയ കൂടിക്കാഴ്ചയിൽ യൂസഫലി പ്രധാനമന്ത്രിയെ ധരിപ്പിച്ചു. വിവിധ സംസ്ഥാനങ്ങളിലെ ലുലു ഗ്രൂപ്പിന്റെ ഭാവി പരിപാടികളെ കുറിച്ച് പ്രധാനമന്ത്രിയോട് വിശദീകരിച്ചു. എം.എ യൂസുഫലി തന്നെയാണ് ഇക്കാര്യം ട്വിറ്ററില്‍ പങ്കുവെച്ചത്.

'ഇന്ന് ബഹുമാനപ്പെട്ട ഇന്ത്യൻ പ്രധാനമന്ത്രി ശ്രീ. നരേന്ദ്രമോദി ജി ഇന്ന് ന്യൂഡൽഹിയിലെ പ്രധാനമന്ത്രിയുടെ വസതിയിൽ ചെന്നു കണ്ടു. ബഹുമാനപ്പെട്ട പ്രധാനമന്ത്രിയെ ഈദ് ആശംസകള്‍  അറിയിക്കുകയും തിരക്കേറിയ ഷെഡ്യൂളുകളിൽ എനിക്ക് സമയം നൽകിയതിന് നന്ദി അറിയിക്കുകയും ചെയ്തു'  യൂസുഫലി ട്വീറ്റ് ചെയ്തു.