യാത്രക്കാരന് ദേഹാസ്വാസ്ഥ്യം; മദീനയിലേക്കുള്ള വിമാനം തിരുവനന്തപുരത്തിറക്കി

തിരുവനന്തപുരം: യാത്രക്കാരന് ദേഹാസ്വാസ്ഥ്യം അനുഭവപ്പെട്ടതിനാൽ ജക്കാർത്തയിൽ നിന്നും മദീനയിലേക്ക് പുറപ്പെട്ട വിമാനം തിരുവനന്തപുരത്ത് അടിയന്തര ലാൻഡിങ് നടത്തി. സൗദി എയർലൈൻസ് വിമാനമാണ് തിരുവനന്തപുരത്തിറക്കിയത്.

വിമാനത്തിലുണ്ടായിരുന്ന ഇന്തോനേഷ്യൻ സ്വദേശിക്കാണ് ദേഹാസ്വാസ്ഥ്യം അനുഭവപ്പെട്ടത്. യാത്രക്കാരനെ സ്വകാര്യ ആശുപത്രിയിലേക്ക് മാറ്റി.