യാത്രക്കാരുടെ ശ്രദ്ധക്ക്; പാളത്തിൽ അറ്റകുറ്റപ്പണി, ട്രെയിൻ സര്‍വീസുകളിൽ മാറ്റം

പാലക്കാട്: പാലക്കാട് ഡിവിഷനിലെ വിവിധ ഭാഗങ്ങളിൽ പാളങ്ങളിൽ അറ്റകുറ്റപ്പണികൾ നടക്കുന്നതിനാൽ ട്രെയിൻ സർവീസുകളിൽ മാറ്റം വരുത്തിയതായി സതേൺ റെയിൽവേ അറിയിച്ചു.

ഭാഗികമായി റദ്ദാക്കിയ തീവണ്ടികൾ

ജനുവരി 7, 14, 21, 28 ഫെബ്രുവരി 4 തിയതികളിൽ ആലപ്പുഴയിൽ നിന്നും പുറപ്പെടുന്ന ആലപ്പുഴ കണ്ണൂർ എക്സ്പ്രസ് (16307) കോഴിക്കോടുവരെ മാത്രമേ സർവീസ് നടത്തുകയുള്ളൂ. കോഴിക്കോട് നിന്ന് കണ്ണൂർ വരെയുള്ള ട്രെയിൻ സർവീസ് ഈ ദിവസങ്ങളിൽ ഭാഗികമായി റദ്ദാക്കും.

ഈ ദിവസങ്ങളിൽ തിരുവനന്തപുരം സെൻട്രലിൽ നിന്ന് പുറപ്പെടുന്ന തിരുവനന്തപുരം സെൻട്രൽ-കണ്ണൂർ ജനശതാബ്ദി സൂപ്പർഫാസ്റ്റ് എക്സ്പ്രസ് (12082) കോഴിക്കോട്ട് സര്‍വീസ് അവസാനിപ്പിക്കും. കോഴിക്കോട്-കണ്ണൂർ ഭാഗത്ത് സർവീസ് ഭാഗികമായി റദ്ദാക്കും.

ജനുവരി 21ന് കോയമ്പത്തൂർ ജംഗ്ഷനിൽ നിന്ന് ആരംഭിക്കുന്ന കോയമ്പത്തൂർ ജങ്‌ഷൻ-ഷൊർണൂർ ജങ്‌ഷൻ പാസഞ്ചർ (56603) ട്രെയിനും ഭാഗികമായി സർവീസ് റദ്ദാക്കും. കോയമ്പത്തൂർ ജങ്‌ഷനിൽനിന്ന് ആരംഭിക്കുന്ന ഈ ട്രെയിൻ പാലക്കാട് ജങ്‌ഷനിൽ സർവീസ് അവസാനിപ്പിക്കും.

റൂട്ട് മാറ്റം വരുത്തിയ ട്രെയിനുകൾ

ജനുവരി 11, 18, 26, 27 തിയതികളിൽ പാലക്കാട് ജംഗ്ഷനിൽ നിന്ന് പുറപ്പെടുന്ന പാലക്കാട് ജംഗ്ഷൻ നിലമ്പൂർ റോഡ് പാസഞ്ചർ(56607)അതേ ദിവസം രാവിലെ 06.32 ന് ലക്കിടിയിൽ നിന്ന് യാത്ര ആരംഭിക്കും.ഈ ട്രെയിൻ സർവീസ് പാലക്കാട് ജംഗ്ഷനും ലക്കിടിക്കും ഇടയിൽ ഭാഗികമായി റദ്ദാക്കും.

ജനുവരി 26 ന് പാലക്കാട് ജംഗ്ഷനിൽ നിന്ന് ആരംഭിക്കുന്ന പാലക്കാട് ജംഗ്ഷൻ എറണാകുളം ജംഗ്ഷൻ മെമു(66609) അതേ ദിവസം രാവിലെ 07.57 ന് ഒറ്റപ്പാലത്ത് നിന്ന് യാത്ര ആരംഭിക്കും.പാലക്കാട് ജംഗ്ഷനും ഒറ്റപ്പാലത്തിനും ഇടയിൽ യാത്ര അവസാനിപ്പിക്കും.

നിയന്ത്രണമുള്ള ട്രെയിൻ സര്‍വീസുകൾ

• ജനുവരി 11, 18 തീയതികളിൽ കൊല്ലത്ത് നിന്ന് പുറപ്പെടുന്ന കൊല്ലം ജംഗ്ഷൻ മച്ചിലിപട്ടണം ഫെസ്റ്റിവൽ സ്പെഷ്യൽ (സ്പെഷ്യൽ ഫെയർ) എക്സ്പ്രസ്(07104) യാത്രയിൽ 50 മിനിറ്റ് നിയന്ത്രിക്കും.
• ജനുവരി 20 ന് കൊല്ലത്ത് നിന്ന് പുറപ്പെടുന്ന കൊല്ലം ജംഗ്ഷൻ നരസാപൂർ ഫെസ്റ്റിവൽ സ്പെഷ്യൽ (സ്പെഷ്യൽ ഫെയർ) (07106) 50 മിനിറ്റ് നിയന്ത്രിക്കും.
• ജനുവരി 14, 21 നും ഫെബ്രുവരി 04 നും പുറപ്പെടുന്ന തിരുവനന്തപുരം സെൻട്രൽ ഹസ്രത്ത് നിസാമുദ്ദീൻ ജംഗ്ഷൻ വീക്ക്‌ലി സൂപ്പർഫാസ്റ്റ് എക്സ്പ്രസ് (22633) യാത്രയിൽ 1 മണിക്കൂർ നിയന്ത്രിക്കും.
• ജനുവരി 14, 21 തിയതികളിൽ ഹസ്രത്ത് നിസാമുദ്ദീൻ ജംഗ്ഷനിൽ നിന്ന് പുറപ്പെടുന്ന ഹസ്രത്ത് നിസാമുദ്ദീൻ ജംഗ്ഷൻ എറണാകുളം ജംഗ്ഷൻ മംഗള ലക്ഷദ്വീപ് സൂപ്പർഫാസ്റ്റ് എക്സ്പ്രസ് (12618) വഴിയിൽ 45 മിനിറ്റ് നിയന്ത്രിക്കും.
• ജനുവരി 15, 22 തിയതികളിൽ മംഗളൂരു സെൻട്രലിൽ നിന്ന് പുറപ്പെടുന്ന മംഗളൂരു സെൻട്രൽ ഡോ. എം.ജി.ആർ. ചെന്നൈ സെൻട്രൽ വെസ്റ്റ് കോസ്റ്റ് എക്സ്പ്രസ്(22638) വഴിയിൽ 40 മിനിറ്റ് നിയന്ത്രിക്കും.
• ജനുവരി 27 ന് രാമേശ്വരത്ത് നിന്ന് പുറപ്പെടുന്ന രാമേശ്വരം തിരുവനന്തപുരം സെൻട്രൽ അമൃത എക്സ്പ്രസ് (16344) വഴിയിൽ 40 മിനിറ്റ് നിയന്ത്രിക്കും.
• ജനുവരി 29 ന് കൊല്ലത്ത് നിന്ന് പുറപ്പെടുന്ന കൊല്ലം ജംഗ്ഷൻ ചർളപ്പള്ളി ഫെസ്റ്റിവൽ വീക്ക്‌ലി സ്‌പെഷ്യൽ എക്‌സ്പ്രസ്(07114) വഴിയിൽ 40 മിനിറ്റ് നിയന്ത്രിക്കും.