ദിവസത്തിൽ പല തവണ ഉപയോഗിക്കുന്നതിനാൽ എളുപ്പത്തിൽ വൃത്തികേടാവുന്നവയാണ് വാഷ് ബേസിനുകൾ. ടൂത്ത് പേസ്റ്റിന്റെ അംശം, സോപ്പ് അവശിഷ്ടങ്ങൾ, പൊടി, അഴുക്ക് എന്നിവ പെട്ടെന്ന് തന്നെ അടിഞ്ഞുകൂടും. വാഷ് ബേസിൻ പതിവായി വൃത്തിയാക്കുന്നത് അത് പുതുമയുള്ളതും ശുചിത്വമുള്ളതുമായി നിലനിർത്താൻ സഹായിക്കും.
വാഷ് ബേസിൻ തിളങ്ങാനുള്ള ടിപ്സുകൾ
ഏതെങ്കിലും ക്ലീനിംഗ് ലായനി ഉപയോഗിക്കുന്നതിന് മുമ്പ് വാഷ്ബേസിൻ ആദ്യം കഴുകി പൊടി, ചെറിയ കറകൾ എന്നിവ നീക്കം ചെയ്യുക. ഇത് പിന്നീട് കടുത്ത അഴുക്കുകൾ നീക്കുന്നത് എളുപ്പമാക്കും.
ഡിഷ്വാഷിംഗ് ലിക്വിഡ് ഉപയോഗിക്കാം: വീര്യം കുറഞ്ഞ ഏതാനും തുള്ളി ഡിഷ്വാഷിംഗ് ലിക്വിഡ് നനഞ്ഞ സ്പോഞ്ചിൽ ഒഴിച്ച് സോപ്പ് കറകൾ ഉള്ള ഭാഗങ്ങളിൽ മൃദുവായി തിരുമ്മുക. ശേഷം ശുദ്ധജലത്തിൽ നന്നായി കഴുകി തുടച്ചു ഉണക്കാം.
കഠിനമായ അഴുക്കുകൾക്ക് ബേക്കിംഗ് സോഡ: അഴുക്ക് കട്ടപിടിച്ചിരിക്കുന്ന ഭാഗങ്ങളിൽ അൽപം ബേക്കിംഗ് സോഡ വിതറുക. പ്രതലത്തിൽ വര വീഴാത്ത രീതിയിൽ മൃദുവായ സ്പോഞ്ച് ഉപയോഗിച്ച് മെല്ലെ ഉരച്ചു കഴുകാം.
വെള്ളപ്പാടുകൾക്ക് വിനാഗിരി: അനുയോജ്യമായ പ്രതലങ്ങളിൽ, വെള്ളം ചേർത്ത് വീര്യം കുറച്ച വൈറ്റ് വിനാഗിരി തുണിയിലാക്കി വെള്ളപ്പാടുകളുള്ള ഭാഗത്ത് പുരട്ടുക. ഏതാനും മിനിറ്റുകൾക്ക് ശേഷം കഴുകി തുടച്ചു ഉണക്കാം. (ശ്രദ്ധിക്കുക: മാർബിൾ, ലൈംസ്റ്റോൺ തുടങ്ങിയ പ്രകൃതിദത്ത കല്ലുകളിൽ നിർമിച്ച പ്രതലങ്ങളിൽ വിനാഗിരി ഉപയോഗിക്കരുത്. ആസിഡ് അടങ്ങിയ ലായനികൾ ഇവയ്ക്ക് കേടുപാടുകൾ വരുത്തും.
ടൂത്ത് പേസ്റ്റ് കറകൾ നീക്കം ചെയ്യാം: ടൂത്ത് പേസ്റ്റ് കറകൾ ചൂടുവെള്ളവും മൃദുവായ തുണിയും ഉപയോഗിച്ച് മായ്ക്കാം. ഉണങ്ങിപ്പിടിച്ച കറകൾക്ക് ഡിഷ്വാഷിംഗ് ലിക്വിഡ് ഉപയോഗിച്ച് തുടച്ചാൽ മതിയാകും.
ടാപ്പിനും ഡ്രെയിനേജിനും ചുറ്റും വൃത്തിയാക്കാം: ടാപ്പിന്റെ അടിഭാഗത്തും ഡ്രെയിനേജിന് ചുറ്റും അഴുക്ക് അടിയാൻ സാധ്യത കൂടുതലാണ്. പഴയൊരു ടൂത്ത് ബ്രഷിൽ സോപ്പുവെള്ളം തൊട്ട് ഈ ഭാഗങ്ങൾ എളുപ്പത്തിൽ വൃത്തിയാക്കാം.
വാഷ്ബേസിൻ നന്നായി കഴുകുക: വൃത്തിയാക്കിയ ശേഷം ക്ലീനിംഗ് പ്രൊഡക്ടുകളുടെ അവശിഷ്ടങ്ങൾ പൂർണമായി പോകാൻ ശുദ്ധജലത്തിൽ കഴുകുക. ഇത് വീണ്ടും പാടുകൾ വീഴുന്നത് തടയും.
പ്രതലം തുടച്ച് ഉണക്കുക: മൈക്രോഫൈബർ തുണിയോ മൃദുവായ ടവലോ ഉപയോഗിച്ച് വാഷ്ബേസിൻ തുടച്ച് ഉണക്കാം. ഇത് വെള്ളപ്പാടുകൾ വീഴുന്നത് തടയുകയും വാഷ്ബേസിൻ കൂടുതൽ തിളക്കമുള്ളതാക്കുകയും ചെയ്യും.
വാഷ്ബേസിൻ എപ്പോഴും വൃത്തിയായി സൂക്ഷിക്കാൻ ചില നുറുങ്ങുകൾ