യു.എസിൽ കെട്ടിടത്തിന് തീയിട്ടശേഷം വെടിവെപ്പ്; നാല് മരണം

ഹൂസ്റ്റൺ: യു.എസിലെ ഹൂസ്റ്റണിൽ കെട്ടിടത്തിനു തീയിട്ടശേഷം നടത്തിയ വെടിവെപ്പിൽ നാലുപേർ മരിച്ചു. രണ്ടുപേർക്ക് പരിക്കേറ്റു. മരിച്ച നാലിൽ ഒരാൾ അക്രമിയാണ്. 40 വയസ്സുകാരനായ ആഫ്രോ-അമേരിക്കൻ വംശജനാണ് അക്രമിയെന്ന് പൊലീസ് വ്യക്തമാക്കി.

പ്രാദേശിക സമയം ഞായറാഴ്ച പുലർച്ചെയായിരുന്നു വെടിവെപ്പ്. കെട്ടിടത്തിന് തീപിടിച്ചതറിഞ്ഞ് രക്ഷപ്പെടാൻ ശ്രമിച്ചവർക്കെതിരെയാണ് അക്രമി വെടിയുതിർത്തത്. 8020 ഡൺലാപ് സ്ട്രീറ്റിൽ മുറികൾ വാടകക്ക് നൽകുന്ന കേന്ദ്രത്തിലാണ് അക്രമം നടന്നത്.