പ്രതീകാത്മക ചിത്രം
ജനീവ: ലോകത്തില് ഏറ്റവും കൂടുതല് ബാലവധുക്കള് ഉള്ളത് ദക്ഷിണേഷ്യയിലാണെന്ന് യുനിസെഫ് റിപ്പോര്ട്ട്. ബുധനാഴ്ച പുറത്തുവിട്ട കണക്കുകളിലാണ് ഇക്കാര്യം വ്യക്തമാക്കുന്നത്.ഈ മേഖലയില് 290 ദശലക്ഷം പ്രായപൂര്ത്തിയാകാത്ത വധുക്കളുണ്ട്. ആഗോളതലത്തില് നോക്കിയാല് 45 ശതമാനം ബാലവധുക്കളും ഭക്ഷിണേഷ്യയിലാണെന്നും റിപ്പോര്ട്ടില് പറയുന്നു.
ഈ പ്രവണത അവസാനിപ്പിക്കാന് കൂടുതൽ ശ്രമങ്ങൾ നടത്തണമെന്ന് യുനിസെഫ് ആവശ്യപ്പെട്ടു. "ലോകത്തിൽ ഏറ്റവും കൂടുതൽ ശൈശവവിവാഹം നടക്കുന്നത് ദക്ഷിണേഷ്യയിലാണെന്നത് ചെറിയ കാര്യമല്ല," യുനിസെഫിന്റെ ദക്ഷിണേഷ്യയിലെ റീജിയണൽ ഡയറക്ടർ നോല സ്കിന്നർ പ്രസ്താവനയിൽ പറഞ്ഞു."ശൈശവ വിവാഹം പെൺകുട്ടികള്ക്ക് വിദ്യാഭ്യാസത്തിന് തടസമാവുകയും അവരുടെ ആരോഗ്യവും ക്ഷേമവും അപകടത്തിലാക്കുകയും അവരുടെ ഭാവിയിൽ വിട്ടുവീഴ്ച ചെയ്യുകയും ചെയ്യുന്നു. കുട്ടിക്കാലത്ത് വിവാഹിതരാകുന്ന എല്ലാ പെൺകുട്ടികളും ഒരു പെൺകുട്ടിയാണ്." അദ്ദേഹം കൂട്ടിച്ചേര്ത്തു. കോവിഡ് മൂലം വര്ധിച്ച സാമ്പത്തിക ബുദ്ധിമുട്ടുകളും സ്കൂള് അടച്ചുപൂട്ടലും കുടുംബങ്ങളെ അവരുടെ പെണ്മക്കളെ ചെറുപ്രായത്തില് വിവാഹം കഴിപ്പിക്കാന് നിര്ബന്ധിതരാക്കിയെന്നും യുനിസെഫ് റിപ്പോര്ട്ടില് പറയുന്നു.
ബംഗ്ലാദേശ്, ഇന്ത്യ, നേപ്പാൾ എന്നിവിടങ്ങളിലെ 16 സ്ഥലങ്ങളിൽ നടത്തിയ അഭിമുഖങ്ങളുടെയും ചര്ച്ചകളുടെയും അടിസ്ഥാനത്തില് കോവിഡ് ലോക്ഡൗൺ കാലത്ത് പഠിക്കാൻ പരിമിതമായ ഓപ്ഷനുകളുള്ള പെൺമക്കൾക്ക് വിവാഹമാണ് ഏറ്റവും മികച്ച ഓപ്ഷനായി പല മാതാപിതാക്കളും കാണുന്നതെന്നും റിപ്പോര്ട്ട് വ്യക്തമാക്കുന്നു. നേപ്പാളിൽ 20, ഇന്ത്യ, ശ്രീലങ്ക, ബംഗ്ലാദേശ് എന്നിവിടങ്ങളിൽ 18, അഫ്ഗാനിസ്ഥാനിൽ 16 എന്നിങ്ങനെയാണ് സ്ത്രീകളുടെ വിവാഹപ്രായം.മഹാമാരി സമയത്ത് വീട്ടിലെ ചെലവുകൾ കുറയ്ക്കുന്നതിനായി തങ്ങളുടെ പെൺമക്കളെ ചെറുപ്പത്തിൽ തന്നെ വിവാഹം കഴിപ്പിക്കാൻ കുടുംബങ്ങളെ സാമ്പത്തിക ബുദ്ധിമുട്ടുകൾ മൂലം പ്രേരിപ്പിച്ചതായും യുഎൻ പഠനം കണ്ടെത്തി.
ദാരിദ്ര്യത്തെ പ്രതിരോധിക്കുന്നതിന് സാമൂഹിക സംരക്ഷണ നടപടികൾ നടപ്പിലാക്കുക, ഓരോ കുട്ടിയുടെയും വിദ്യാഭ്യാസ അവകാശം സംരക്ഷിക്കുക, നിയമം നടപ്പിലാക്കുന്നതിന് മതിയായ ചട്ടക്കൂട് ഉറപ്പാക്കുക, സാമൂഹിക മാനദണ്ഡങ്ങൾ പരിഹരിക്കുന്നതിന് കൂടുതൽ ശ്രമങ്ങൾ നടത്തുക എന്നിവയാണ് ഇതിനു പരിഹാരമെന്നും യു.എന് പറയുന്നു.