കടം വീട്ടാതെ വിടില്ല; ബാധ്യത തീർക്കാതെ രാജ്യം വിടുന്നവർക്കെതിരെ ബഹ്റൈനിൽ കർശന നിയമം വരുന്നു

മനാമ: ക​ട​ങ്ങ​ൾ വീട്ടാതെ രാ​ജ്യം വി​ടു​ന്ന​വ​ർ​ക്ക് ക​ടി​ഞ്ഞാ​ണി​ടാ​ൻ ബഹ്റൈൻ. ഇത്തരക്കാർക്കെതിരെ നിയന്ത്രണങ്ങൾ ക​ർ​ശ​നമാക്കുന്നതിനായി ​അവതരിപ്പിച്ച നിർദേശം പാർലമെന്റ് അംഗീകരിച്ചു. നിയമം നടപ്പിലായാൽ ബ​ഹ്‌​റൈ​നി​ലെ വി​ദേ​ശ നി​ക്ഷേ​പ​ക​ർ, ഫ്ല​ക്‌​സി വി​സ​യി​ൽ ജോ​ലി ചെ​യ്യു​ന്ന​വ​ർ, സി.​ആ​ർ ഉ​ട​മ​ക​ൾ തുടങ്ങിയ​വ​രെയാകും ഇത് നേരിട്ട് ബാധിക്കുക.

ബഹ്റൈനിൽ വ​രു​ത്തി​വെ​ച്ച ക​ട​ ബാധ്യതകൾ തീ​ർ​ക്കാ​തെ പലരും രാ​ജ്യം വി​ടു​ന്ന​ത് വ​ർ​ധി​ച്ചു​വ​രു​ന്നുവെന്ന് ചൂണ്ടിക്കാട്ടിയാണ് നിയന്ത്രണങ്ങൾ കർശനമാക്കാൻ നീക്കം നടക്കുന്നത്. വാടക കുടിശ്ശിക, ബാങ്ക് വായ്പാ തിരിച്ചടവുകൾ, സർക്കാർ ഫീസുകൾ, വിവിധ ഇനത്തിലുള്ള പിഴകൾ എന്നിവ വീട്ടാതെയാണ് പലരും രാജ്യം വിടുന്നതെന്ന് അധികൃതർ പറയുന്നു

സ്‌​ട്രാ​റ്റ​ജി​ക് തി​ങ്കി​ങ് ബ്ലോ​ക്ക് വ​ക്താ​വാ​യ ഖാ​ലി​ദ് ബു ​അ​ന​കി​ന്‍റെ നേ​തൃ​ത്വ​ത്തി​ൽ അ​ഞ്ച് എം.​പി​മാ​രാണ് ഇതുസംബന്ധിച്ച അ​ടി​യ​ന്ത​ര പ്ര​മേ​യം പാ​ർ​ല​മെ​ന്റി​ൽ അവതരിപ്പിച്ചത്. കടം വീട്ടാതെ രാജ്യം വിടുന്ന ഈ പ്രവണത വിദേശ നിക്ഷേപകരിലുള്ള വിശ്വാസം ഇല്ലാതാക്കുകയും രാജ്യത്ത് കടുത്ത സാമ്പത്തിക നഷ്ടം വരുത്തുകയും ചെയ്യുന്നുണ്ട്. കൂടാതെ, നിക്ഷേപ അന്തരീക്ഷത്തെ പ്രതികൂലമായി ബാധിക്കുകയും ആയിരക്കണക്കിന് പ്രാദേശിക വ്യാപാരികളെ ദോഷകരമായി ബാധിക്കുകയും ചെയ്യുന്നുവെന്ന് എംപിമാർ ചൂണ്ടിക്കാട്ടി. നിയന്ത്രണങ്ങൾ കർശനമാക്കാനുള്ള നിർദേശം പാർലമെന്റ് അം​ഗീകരിച്ചതോടെ പ്രമേയം തുടർ പരി​ഗണനയ്ക്കായി മന്ത്രിസഭയ്ക്ക് കൈമാറിയിട്ടുണ്ട്.