അനധികൃത കുടിയേറ്റം: മുസന്ദം തീരത്ത് 17 ഏഷ്യക്കാർ അറസ്റ്റിൽ

മസ്‌കത്ത്: കടൽ മാർഗം ഒമാനിലേക്ക് അനധികൃതമായി കടക്കാൻ ശ്രമിച്ച 17 ഏഷ്യൻ പൗരന്മാരെ അറസ്റ്റ് ചെയ്തതായി റോയൽ ഒമാൻ പൊലീസ് (ആർഒപി). രണ്ട് ബോട്ടുകളിലായി എത്തിയവരെ മുസന്ദം ഗവർണറേറ്റ് പൊലീസ് കമാൻഡിന്റെ കോസ്റ്റ് ഗാർഡ് യൂണിറ്റാണ് അറസ്റ്റ് ചെയ്തത്.

നിയമവിരുദ്ധമായി രാജ്യത്തേക്ക് കടക്കാൻ ശ്രമിക്കുന്നതിനിടെയാണ് സംഘം പിടിയിലായതെന്ന് ആർഒപി പറഞ്ഞു. ഇവർക്കെതിരെ നിയമ നടപടികൾ പൂർത്തിയാക്കി വരികയാണെന്നും അറിയിച്ചു.