ലണ്ടൻ അമേരിക്കൻ യൂണിവേഴ്സിറ്റി ബിരുദദാനം: 500 വിദ്യാർഥികൾ ബിരുദം സ്വീകരിച്ചു
ലണ്ടൻ അമേരിക്കൻ യൂണിവേഴ്സിറ്റി കോളേജ്,ലുസാക്ക,സാംബിയ എന്നിവിടങ്ങളിൽ നിന്നുള്ള പ്രതിനിധികളുടെ സാന്നിധ്യത്തിൽ ആയിരുന്നു ബിരുദദാന ചടങ്ങ്
Update: 2023-03-21 19:31 GMT
23 വർഷത്തെ അക്കാദമിക് മികവും നാല് മികച്ച അന്താരാഷ്ട്ര അക്രഡിറ്റേഷനുകളും സ്വന്തമാക്കിയ, ലണ്ടൻ അമേരിക്കൻ സിറ്റി കോളേജിന്റെ ഇരുപതാം ബിരുദദാന ചടങ്ങും സാംസ്കാരികോത്സവവും ദുബൈയിൽ നടന്നു.
ലോകത്തിന്റെ വിവിധ ഭാഗങ്ങളിൽ ആയിരക്കണക്കിന് വിദ്യാർഥികൾക്ക് മികച്ച തൊഴിലവസരം ഉറപ്പാക്കാൻ സാധിച്ചതായി ലണ്ടൻ അമേരിക്കൻ സിറ്റി കോളജ് സാരഥികൾ അറിയിച്ചു.
ലണ്ടൻ അമേരിക്കൻ യൂണിവേഴ്സിറ്റി കോളേജ്,ലുസാക്ക,സാംബിയ എന്നിവിടങ്ങളിൽ നിന്നുള്ള പ്രതിനിധികളുടെ സാന്നിധ്യത്തിൽ ആയിരുന്നു ബിരുദദാന ചടങ്ങ്. 500 വിദ്യാർഥികൾ ബിരുദങ്ങൾ ഏറ്റുവാങ്ങി.
ബാച്ചിലർ ഓഫ് സയൻസ് ഇൻ ബിസിനെസ്സ് ഇൻഫർമേഷൻ സിസ്റ്റംസ് , ബാച്ചിലർ ഓഫ് ബിസിനെസ്സ് അഡ്മിനിസ്ട്രേഷൻ , ഡിപ്ലോമ ഇൻ ബിസിനെസ്സ് അഡ്മിനിസ്ട്രേഷൻ എന്നീ കോഴ്സുകൾക്ക് സാംബിയ ഹയർ എജുക്കേഷൻ അതോറിറ്റിയുടെ അക്രെഡിറ്റേഷനും ലണ്ടൻ അമേരിക്കൻ സിറ്റി കോളജിനുണ്ട്.
പ്രസിഡൻറും സി.ഇ.ഒയുമായ പ്രൊഫ. ഡോ. പോൾസൺ മാത്യു ചുങ്കപുര ,ഡീനും എം.ഡിയുമായ പ്രൊഫ. ഡോ.കോപ്പ് മുഹമ്മദ് , ലുസാക്ക, സാംബിയ ,എൽ.എ.സി.സി വൈസ് ചാൻസ്ലർമാർ എന്നിവർ ചേർന്നാണ് ബിരുദങ്ങൾ സമ്മാനിച്ചത്.മഡോണ യൂനിവേഴ്സിറ്റി പ്രൊഫ.ഇയാൻ ഡേ, ഡീൻ ഡോ. താര കെയ്ൻ, അന്താരാഷ്ട്ര പങ്കാളിത്ത പ്രസിഡൻറ് ഡാനിയേൽ റൗറ എന്നിവർക്കു പുറമെ കോളേജ് ഡി പാരീസ്, ഫ്രാൻസ് പ്രതിനിധികളും നയതന്ത്ര ഉദ്യോഗസ്ഥരും ചടങ്ങിനെത്തി.പൂർവ വിദ്യാർഥികളെയും വിവിധ തുറകളിൽ മികവ് തെളിയിച്ചവരെയും ആദരിച്ചു.