മസ്കത്തിൽ ബീച്ചുകൾ ശുചിയാക്കാൻ നടപടികൾ ശക്തമാക്കി മുനിസിപ്പാലിറ്റി

മസ്കത്ത്: സാമൂഹിക ഉത്തരവാദിത്തത്തിന്റെ ഭാഗമായി തലസ്ഥാന നഗരിയിലെ പൊതു ബീച്ചുകൾ വൃത്തിയായും സുരക്ഷിതമായും സംരക്ഷിക്കാനുള്ള ശ്രമങ്ങൾ മസ്‌കത്ത് മുൻസിപ്പാലിറ്റി ഊർജിതമാക്കി. ജനങ്ങളുടെ ജീവിതനിലവാരം ഉയർത്തുന്നതിനും പരിസ്ഥിതി സുസ്ഥിരത പ്രോത്സാഹിപ്പിക്കുന്നതിനുമുള്ള വിപുലമായ പദ്ധതികളുടെ ഭാഗമായാണ് ഈ നടപടി.

മസ്‌കത്തിലെ താമസക്കാർക്കും സന്ദർശകർക്കും വിനോദത്തിനായി കൂടുതൽ വൃത്തിയുള്ളതും ആരോഗ്യകരവുമായ ബീച്ചുകൾ ഉറപ്പാക്കുക എന്നതാണ് ഈ പദ്ധതിയുടെ പ്രധാന ലക്ഷ്യം. സമൂഹത്തിന്റെ ക്ഷേമത്തിന് മുൻഗണന നൽകുന്നതിനൊപ്പം തീരപ്രദേശങ്ങളുടെ ഭംഗി നിലനിർത്താനും മുൻസിപ്പാലിറ്റി പ്രത്യേക ശ്രദ്ധ നൽകുന്നു. ബീച്ചുകൾ കൃത്യമായി പരിപാലിക്കുന്നതിലൂടെ നഗരത്തിന്റെ ആകർഷണീയത വർധിപ്പിക്കാനും ഈ നീക്കം സഹായിക്കുന്നു.