കേന്ദ്രവിദേശകാര്യമന്ത്രി ഡോ. എസ്. ജയ്ശങ്കർ ബുധനാഴ്ച യു.എ.ഇയിലെത്തും

കേന്ദ്രവിദേശകാര്യമന്ത്രി ഡോ. എസ്​. ജയ്​ശങ്കർ ബുധനാഴ്ച യു.എ.ഇയിലെത്തും. ത്രിദിന സന്ദർശനത്തിൽ ഇരു രാജ്യങ്ങളും തമ്മിലെ സഹകരണത്തിന്‍റെ വിവിധ തലങ്ങൾ ചർച്ചയാകും. യു.എ.ഇവിദേശകാര്യ, അന്താരാഷ്ട്ര സഹകരണ മന്ത്രി ശൈഖ്​ അബ്​ദുല്ല ബിൻ സായിദ്​ ആൽ നഹ്​യാനുമായും മന്ത്രി ജയശങ്കർ കൂടിക്കാഴ്ച നടത്തും.

14-ാമത്ഇന്ത്യ-യു.എ.ഇ സംയുക്ത​കമ്മീഷൻ യോഗത്തിലും മൂന്നാമത് സ്ട്രാറ്റജിക് ഡയലോഗിലും പങ്കെടുക്കുന്നതിനാണ്​ മന്ത്രി ഡോ. എസ്​ ജയശങ്കറിെൻറ യു.എ.ഇ സന്ദർശനം.കഴിഞ്ഞഫെബ്രുവരിയിൽ സമഗ്ര സാമ്പത്തിക സഹകരണ കരാരിൽ ഇരു രാജ്യങ്ങളും ഒപ്പുവെച്ചിരുന്നു. തുടർന്ന്​ ഇരുരാജ്യങ്ങളും തമ്മിൽ വ്യപാര-നയതന്ത്ര തലത്തിൽ ബന്ധം കൂടുതൽശക്​തമാണ്​. നി​ര​വ​ധി ഉ​ൽ​പ​ന്ന​ങ്ങ​ളു​ടെ ക​സ്റ്റം​സ് തീ​രു​വ കു​റ​യാ​നും ച​ര​ക്ക്-​സേ​വ​ന നീ​ക്കം എ​ളു​പ്പ​മാ​ക്കാ​നുംക​രാ​ർ വഴിയൊരുക്കി.ഇതുമായി ബന്ധപ്പെട്ടതുടർ ചർച്ചകളും ​എസ്​. ജയ്​ശങ്കറിന്‍റെ സന്ദർശന വേളയിൽ നടക്കും.

തു​ണി​ത്ത​ര​ങ്ങ​ൾ, വ​സ്ത്ര​ങ്ങ​ൾ, ആ​ഭ​ര​ണ​ങ്ങ​ൾ, ഇ​ല​ക്ട്രോ​ണി​ക് സാ​മ​ഗ്രി​ക​ൾ, പ്ലാ​സ്റ്റി​ക് ഉ​ൽ​പ​ന്ന​ങ്ങ​ൾ, ഫ​ർ​ണി​ച്ച​ർ, സു​ഗ​ന്ധ വ്യ​ഞ്ജ​ന​ങ്ങ​ൾതു​ട​ങ്ങി ഒ​ട്ടേ​റെ ഉ​ൽ​പ​ന്ന​ങ്ങ​ളു​ടെ ക​യ​റ്റു​മ​തി വ​ർ​ധി​ക്കാ​നുംകൂ​ടു​ത​ൽതൊ​ഴി​ല​വ​സ​ര​ങ്ങ​ൾ​ക്കും സമഗ്ര സാമ്പത്തിക ക​രാ​ർ അവസരമൊരുക്കുന്നുണ്ട്​. അ​ഞ്ചു വ​ർ​ഷം​കൊ​ണ്ട് ഉ​ഭ​യ​ക​ക്ഷി വ്യാ​പാ​രം 6000കോ​ടി ഡോ​ള​റി​ൽ​നി​ന്ന് 10,000 കോ​ടി ഡോ​ള​റാ​യിഉയർത്തുകയാണ്​ലക്ഷ്യം. സമഗ്രസാമ്പത്തിക കരാറിന്‍റെ ഇതുവരെയുള്ള പുരോഗതിവിലയിരുത്തുമെന്ന്​ കേന്ദ്ര വിദേശകാര്യ മന്ത്രാലയം പ്രസ്താവനയിൽഅറിയിച്ചു. മറ്റു ആഗോള, പ്രദേശിക വിഷയങ്ങളും കൂടിക്കാഴ്ചയിൽ ചർച്ചയാകും.​

ഇ​ന്ത്യ​യു​ടെ മൂ​ന്നാ​മ​ത്തെ വ​ലി​യ വ്യാ​പാ​ര പ​ങ്കാ​ളി കൂടി​യാ​ണ് യു.​എ.​ഇ. യു.​എ.​ഇ​യു​ടെ ര​ണ്ടാ​മ​ത്തെ വ്യാ​പാ​ര പ​ങ്കാ​ളി​യാ​ണ്  ഇ​ന്ത്യ​. ഇ​ന്ത്യ​യി​ലെ എ​ട്ടാ​മ​ത്തെ വ​ലി​യ നി​ക്ഷേ​പ​ക​രു​മാ​ണ് യു.​എ.​ഇ. ഇ​ന്ത്യ​ൻ ക​മ്പ​നി​ക​ൾ​ക്ക് യു.​എ.​ഇ​യി​ൽ 8500 കോ​ടി ഡോ​ള​റിന്‍റെ നി​ക്ഷേ​പ​മു​ണ്ട്.