കാഠ്മണ്ഠു: നേപ്പാളിൽ ഭൂചലനത്തിൽ വീട് തകർന്ന് ആറുപേർ മരിച്ചു. നേപ്പാളിലെ ദോതിയാണ് ഭൂചലനത്തിന്റെ പ്രഭവകേന്ദ്രം. ഡൽഹി, നോയിഡ, മണിപ്പൂർ, ഷിംല, പഞ്ചാബ് എന്നിവിടങ്ങളിലും തുടർചലനങ്ങളുണ്ടായി. കഴിഞ്ഞ 24 മണിക്കൂറിനിടെ മൂന്നു തവണയാണ് നേപ്പാളിൽ ഭൂചലനം അനുഭവപ്പെട്ടത്. പുലർച്ചെ 1.57-നാണ് മൂന്നാമത്തെ ഭൂചലനമുണ്ടായത്. റിക്ടർ സ്കെയിലിൽ 6.3 തീവ്രത രേഖപ്പെടുത്തി.
മൂന്നാമത്തെ ഭൂചലനത്തിലാണ് കാഠ്മണ്ഠുവിന് സമീപം വീട് തകർന്ന് ആറുപേർ മരിച്ചത്. രാത്രി 8.30-നായിരുന്നു ആദ്യ ഭൂചലനം. 10.30 നാണ് രണ്ടാമത്തെ ഭൂചലനമുണ്ടായത്. ഇതിന്റെ തുടർചലനങ്ങൾ പഞ്ചാബ് അടക്കമുള്ള സംസ്ഥാനങ്ങളിൽ അനുഭവപ്പെട്ടതായി വാർത്താ ഏജൻസികൾ റിപ്പോർട്ട് ചെയ്തു. ഇന്ത്യയിൽ എവിടെയും നാശനഷ്ടങ്ങളുണ്ടായതായി റിപ്പോർട്ടില്ല.
Earthquake of Magnitude:6.3, Occurred on 09-11-2022, 01:57:24 IST, Lat: 29.24 & Long: 81.06, Depth: 10 Km ,Location: Nepal, for more information download the BhooKamp App https://t.co/Fu4UaD2vIS @Indiametdept @ndmaindia @Dr_Mishra1966 @moesgoi @OfficeOfDrJS @PMOIndia @DDNational pic.twitter.com/n2ORPZEzbP
— National Center for Seismology (@NCS_Earthquake) November 8, 2022