Writer - അഞ്ജലി ശ്രീജിതാരാജ്
വെബ് ജേണലിസ്റ്റ്, മീഡിയവൺ
അപകടാവസ്ഥയിലായ കൂടത്തായി പാലത്തില് വിദഗ്ധ സംഘം പരിശോധന നടത്തും
വിള്ളല് വീണ് പാലം അപകടാവസ്ഥയിലായ വാര്ത്ത മീഡിയവണ് റിപ്പോര്ട്ട് ചെയ്തിരുന്നു
Update: 2025-08-26 11:45 GMT
കോഴിക്കോട്: അപകടാവസ്ഥയിലായ കോഴിക്കോട് കൂടത്തായി പാലത്തില് വിദഗ്ധ സംഘം പരിശോധന നടത്തും. കെഎച്ച്ആര്ഐ ഉദ്യോഗസ്ഥര് ആണ് പരിശോധനക്ക് എത്തുക. വിള്ളല് വീണ് പാലം അപകടാവസ്ഥയിലായ വാര്ത്ത മീഡിയവണ് റിപ്പോര്ട്ട് ചെയ്തിരുന്നു.
കൊയിലാണ്ടി- താമരശ്ശേരി- എടവണ്ണ സംസ്ഥാന പാതയിലെ പ്രധാന പാലമാണ് കൂടത്തായി പാലം. പാലത്തിന്റെ ബീമിലും മുകളിലുമാണ് വിള്ളര് രൂപപ്പെട്ടത്. ഭാരവാഹനങ്ങള്ക്ക് ഇത് വഴി നിയന്ത്രണമുണ്ടെങ്കിലും ഇത് നടപ്പാകുന്നില്ല. 58 വര്ഷമുള്ളതാണ് പാലം. ഏത് സമയവും പാലം തകരുമെന്ന ഭയത്തിലാണ് പ്രദേശവാസികള്.