ബംഗാൾ ഉൾക്കടലിലെ ന്യൂനമർദം; സംസ്ഥാനത്ത് നാളെ മുതൽ മഴ കനക്കും

തിരുവനന്തപുരം: ബംഗാൾ ഉൾക്കടലിലെ ന്യൂനമർദ്ദത്തിന്റെ സ്വാധീന ഫലമായി സംസ്ഥാനത്ത് നാളെ മുതൽ മഴ കനക്കും. മുൻകരുതലിന്റെ ഭാഗമായി എറണാകുളം, ഇടുക്കി, തൃശൂർ ജില്ലകളിൽ നാളെ ഓറഞ്ച് അലർട്ട് നൽകി. ഒറ്റപ്പെട്ടയിടങ്ങളിൽ അതിശക്തമായ മഴയ്ക്കുള്ള സാധ്യതയാണ് പ്രവചിച്ചിരിക്കുന്നത്.

ആറ് ജില്ലകളിൽ നാളെ യെല്ലോ അലർട്ടും ഉണ്ട്. ബംഗാൾ ഉൾക്കടലിലെ ന്യൂനമർദ്ദം വരും മണിക്കൂറിൽ തമിഴ്നാടിന്റെ തീരദേശ മേഖലകളിലേക്ക് നീങ്ങും. ഇതിന്റെ സ്വാധീന ഫലമായാണ് കേരളത്തിലും മഴ ലഭിക്കുക.