കൊച്ചി: കളമശേരി സ്ഫോടനക്കേസ് പ്രതി എറണാകുളം ചെലവന്നൂർ സ്വദേശി ഡൊമനിക്ക് മാർട്ടിൻ അഞ്ചര വർഷമായി തമ്മനത്ത് താമസം തുടങ്ങിയിട്ട്. സ്പോക്കൺ ഇംഗ്ലീഷ് അധ്യാപകനായാണ് മാർട്ടിൻ ഇവിടെ എത്തുന്നത്.
നാട്ടുകാർക്കൊന്നും മാർട്ടിനെക്കുറിച്ച് മോശം അഭിപ്രായമില്ല. കൊറോണ പിടിപെട്ടതോടെ വിദേശത്തേക്ക് ജോലി തേടി പോയ മാർട്ടിൻ ഒരു മാസം മുമ്പാണ് നാട്ടിലെത്തിയത്.
തമ്മനത്തുകാർക്ക് ഡൊമനിക്ക് മാർട്ടിനെ കുറിച്ച് മോശമായി പറയാൻ ഒന്നുമില്ല. നല്ല അധ്യാപകൻ, നല്ല അയൽക്കാരൻ. മാർട്ടിന് വീട് വാടകക്ക് നല്കിയ ജലീലിനും നല്ല അഭിപ്രായമാണ്. ജലീലിന്റെ വീടിന്റെ രണ്ടാം നിലയിലാണ് മാർട്ടിന്റെ കുടുംബം താമസിക്കുന്നത്.
ഭാര്യയും രണ്ട് മക്കളുമടങ്ങുന്നതാണ് ഡൊമനിക്കിന്റെ കുടുംബം. മകൻ യു.കെയിൽ പഠിക്കുന്നു. മകൾക്ക് എറണാകുളത്ത് ഐ.ടി കമ്പിനിയിൽ ജോലി. വിദേശത്തായിരുന്ന ഇയ്യാൾ മകളുടെ ചികിത്സക്കായാണ് നാട്ടിലെത്തിയത്. സ്ഫോടനം നടത്തിയത് ഡൊമിനിക് ആണെന്ന് അറിഞ്ഞതോടെ ഭാര്യ തന്നെ വിവരം നാട്ടുകാരെ അറിയിച്ചു. രാജ്യം ഞെട്ടിയ സ്ഫോടനത്തിന്റെ പിറകില് തങ്ങളുടെ അയല്വാസിയാണെന്ന വിവരം തമ്മനത്തുകാർക്ക് ഇനിയും ഉള്ക്കൊള്ളാനായിട്ടില്ല.
Watch Video Report