കോട്ടയം: സ്വകാര്യബസിൽ നിന്നും തെറിച്ച് വീണ് വിദ്യാർഥിക്ക് പരിക്ക്. പാക്കിൽ സിഎംസ്കൂളിലെ എട്ടാം ക്ലാസ് വിദ്യാർത്ഥി അഭിരാമാണ് ബസിൽ നിന്ന് തെറിച്ചുവീണത്.കോട്ടയം പാക്കിലാണ് സംഭവം.
അഭിരാമിന് മുഖത്തും കൈക്കും കുട്ടിക്ക് ഗുരുതരമായി പരിക്കേറ്റു.രണ്ടുപല്ലുകള് ഇളകിയിട്ടുണ്ട്. മേല്ചുണ്ടും മുറിഞ്ഞിട്ടുണ്ട്.
ഇന്നലെ സ്ക്കൂൾ വിട്ട് വരുന്നതിനിടെയാണ് അപകടം നടന്നത്. ബസ് അമിത വേഗതിയാലാണെന്നും ബസിന്റെ ഡോർ അടച്ചിരുന്നില്ലെന്നും വിദ്യാർഥിയുടെ പിതാവ് പറഞ്ഞു. ഓട്ടോമാറ്റിക് ഡോറായിരുന്നു ബസിന്റേത്. കുടംബം പൊലീസിൽ പരാതി നൽകിയിട്ടുണ്ട്. അപകടത്തിന്റെ സി.സി.ടി.വി ദൃശ്യങ്ങൾ മീഡിയവണിന് ലഭിച്ചു. തെറിച്ചുവീണത് കണ്ട് ഓടിക്കൂടിയ നാട്ടുകാരാണ് കുട്ടിയെ ആശുപത്രിയിലെത്തിച്ചത്.
സംഭവത്തില് നടപടി ഉണ്ടാകുമെന്ന് മോട്ടോർ വാഹന വകുപ്പ് അറിയിച്ചു. തിങ്കളാഴ്ച ഡ്രൈവറോട് ഹാജരാകാൻ ആര്.ടി.ഒ നിർദേശിച്ചിട്ടുണ്ട്. ഓട്ടോമാറ്റിക്ക് ഡോർ സംവിധാനത്തിലെ പ്രശ്നവും അമിത വേഗതയും അപകടത്തിനു കാരണമെന്ന് നിഗമനം.