കോഴിക്കോട്: ഗോവിന്ദപുരം ശ്രീ പാത്ഥസാരഥി ക്ഷേത്രത്തിൽ കവര്ച്ച. ഇന്ന് പുലർച്ചെയാണ് മോഷണം നടന്നത്. 6 ഭണ്ഡാരങ്ങൾ പൊളിച്ചു. 35,000 രൂപയോളം നഷ്ടപ്പെട്ടതായാണ് പ്രഥമിക വിവരം. പുലർച്ചെ മൂന്നേമുക്കാലോടെയാണ് കള്ളൻ കയറിയത് .
മോഷണത്തിന്റെ ദൃശ്യങ്ങൾ സി.സി.ടി.വിയിൽ പതിഞ്ഞിട്ടുണ്ട്. ഹെൽമറ്റിട്ട് മുണ്ടുമടക്കിക്കുത്തി കള്ളൻ മോഷണം നടത്തിയത്. ക്ഷേത്രത്തിലുള്ള നടപ്പന്തൽ നിർമാണം നടന്നുവരികയാണ്. അവിടെയുള്ള ആയുധങ്ങൾ ഉപയോഗിച്ചാണ് മോഷണം നടത്തിയിരിക്കുന്നത്. അടുത്ത ദിവസങ്ങളിൽ ക്ഷേത്രത്തിൽ പൂജ നടന്നിരുന്നു.ധാരാളം വിശ്വാസികളിൽ ഈ ദിവസങ്ങളിൽ ക്ഷേത്രത്തില് എത്തിയിരുന്നു. അതുകൊണ്ട് തന്നെ കാണിക്കയായി നല്ലൊരു തുക ഭണ്ഡാരങ്ങളിൽ ഉണ്ടായിരുന്നതായാണ് കണക്കാക്കുന്നതെന്നും ക്ഷേത്രം ഭാരവാഹികൾ പറഞ്ഞു.
കുത്തിത്തുറന്നതിൽ അഞ്ചെണ്ണം ശ്രീകോവിലിനുള്ളിലെ ഭണ്ഡാരവും ഒരെണ്ണം പുറത്തുള്ളതുമാണ്.