തിരുവനന്തപുരം: സംസ്ഥാനത്ത് 30 തദ്ദേശ വാര്ഡുകളിലേക്ക് നടന്ന ഉപതെരഞ്ഞെടുപ്പില് യുഡിഎഫിന് നേട്ടമെന്ന് പ്രതിപക്ഷനേതാവ് വി.ഡി സതീശന്. പത്തില് നിന്നും 12ലേക്ക് യുഡിഎഫിന്റെ സീറ്റ് വര്ധിച്ചു. യുഡിഎഫിന് രണ്ട് സീറ്റ് വര്ധിച്ചപ്പോള് എല്ഡിഎഫിന് മൂന്ന് സീറ്റുകള് കുറഞ്ഞുവെന്നും സതീശന് പറഞ്ഞു.
പത്തനംതിട്ട മുന്സിപ്പാലിറ്റിയിലെ കുമ്പഴ നോര്ത്ത് വാര്ഡ് വെറും മൂന്ന് വോട്ടിനാണ് യുഡിഎഫിന് നഷ്ടമായത്. ഇടുക്കി വാത്തിക്കുടി പഞ്ചായത്തിലെ ദൈവംമേട് വാര്ഡില് ഏഴ് വോട്ടിനാണ് യുഡിഎഫ് സ്ഥാനാര്ത്ഥി പരാജയപ്പെട്ടത്. ഉപതെരഞ്ഞെടുപ്പ് നടക്കാനിരിക്കുന്ന നിലമ്പൂര് നിയമസഭ മണ്ഡലത്തിലെ കരുളായി ഗ്രാമപഞ്ചായത്തിലെ ചക്കിട്ടാമല വാര്ഡ് 397 വോട്ടിന് യുഡിഎഫ് വിജയിച്ചു.
സംസ്ഥാനത്ത് ശക്തമായ ഭരണവിരുദ്ധ വികാരം നിലനില്ക്കുന്നു എന്നതിന്റെ തെളിവാണ് ഈ തെരഞ്ഞെടുപ്പ് ഫലവുമെന്നും സതീശന് ഫേസ്ബുക്ക് പോസ്റ്റിലൂടെ വ്യക്തമാക്കി.
ഫേസ്ബുക്ക് പോസ്റ്റിന്റെ പൂര്ണരൂപം:
30 തദ്ദേശ വാര്ഡുകളിലേക്ക് നടന്ന ഉപതിരഞ്ഞെടുപ്പില് യു.ഡി.എഫിന് നേട്ടം. പത്തില് നിന്നും 12 ലേക്ക് യു.ഡി.എഫിന്റെ സീറ്റ് വര്ധിച്ചു. യുഡിഎഫിന് രണ്ട് സീറ്റ് വര്ധിച്ചപ്പോള് എല്.ഡി.എഫിന് മൂന്ന് സീറ്റുകള് കുറഞ്ഞു.
പത്തനംതിട്ട മുന്സിപ്പാലിറ്റിയിലെ കുമ്പഴ നോര്ത്ത് വാര്ഡ് വെറും മൂന്ന് വോട്ടിനാണ് യു.ഡി.എഫിന് നഷ്ടമായത്. ഇടുക്കി വാത്തിക്കുടി പഞ്ചായത്തിലെ ദൈവംമേട് വാര്ഡില് ഏഴ് വോട്ടിനാണ് യു.ഡി.എഫ് സ്ഥാനാര്ത്ഥി പരാജയപ്പെട്ടത്. ഉപതിരഞ്ഞെടുപ്പ് നടക്കാനിരിക്കുന്ന നിലമ്പൂര് നിയമസഭ മണ്ഡലത്തിലെ കരുളായി ഗ്രാമപഞ്ചായത്തിലെ ചക്കിട്ടാമല വാര്ഡ് 397 വോട്ടിന് യു.ഡി.എഫ് വിജയിച്ചു.
സംസ്ഥാനത്ത് ശക്തമായ ഭരണവിരുദ്ധ വികാരം നിലനില്ക്കുന്നു എന്നതിന്റെ തെളിവാണ് ഈ തിരഞ്ഞെടുപ്പ് ഫലവും. ഇതുവരെ നടന്ന തദ്ദേശ ഉപതിരഞ്ഞെടുപ്പുകളിലെല്ലാം യു.ഡി.എഫിന് സീറ്റുകള് വര്ധിച്ചിട്ടുണ്ട്.
തുടര്ച്ചയായ ഈ വിജയങ്ങള് ഈ വര്ഷം അവസാനം നടക്കാനിരിക്കുന്ന തദ്ദേശ തിരഞ്ഞെടുപ്പില് യു.ഡി.എഫിന് കരുത്തേകും. അഴിമതിയും ധൂര്ത്തും മുഖമുദ്രയാക്കിയ ഈ സര്ക്കാരിനെ ജനം തൂത്തെറിയും. യു.ഡി.എഫ് വിജയത്തിനായി കഠിനാദ്ധ്വാനം ചെയ്തവര്ക്കും വോട്ടര്മാര്ക്കും ഹൃദയാഭിവാദ്യങ്ങള്.