മേനക സുരേഷ് ബി.ജെ.പി സ്ഥാനാര്‍ഥി പട്ടികയില്‍? സുരേഷ് ഗോപിയുടെ കാര്യം കേന്ദ്രം തീരുമാനിക്കും

ബി.ജെ.പി സംസ്ഥാന അധ്യക്ഷൻ കെ.സുരേന്ദ്രൻ കോന്നിയിൽ മത്സരിക്കാൻ സാധ്യത. കുമ്മനം രാജശേഖരൻ നേമത്തും വി.വി രാജേഷ് വട്ടിയൂർക്കാവിലുമായിരിക്കും മത്സരിക്കുക.

സുരേഷ് ഗോപി മത്സരിക്കുന്ന കാര്യം കേന്ദ്ര നേതൃത്വം തീരുമാനിക്കും. നടി മേനക സുരേഷും സാധ്യതാ പട്ടികയിലുണ്ട്. പി.കെ കൃഷ്ണദാസ് കാട്ടാക്കടയിലും കഴക്കൂട്ടത്ത് ടി.പി സെന്‍കുമാറും മത്സരിച്ചേക്കുമെന്നാണ് സൂചന. ബി.ജെ.പി സംസ്ഥാന നേതൃത്വം കൈമാറുന്ന പട്ടികയിൽ കേന്ദ്ര പാർലമെന്‍ററി കമ്മറ്റി അന്തിമ തീരുമാനമെടുക്കും.

അതേസമയം തൃശൂര്‍ അതിരൂപത ആസ്ഥാനത്ത് കേന്ദ്രമന്ത്രിമാരായ പ്രഹ്ളാദ് ജോഷിയും വി.മുരളീധരനും ബിഷപ്പ് മാര്‍ ആന്‍ഡ്രൂസ് താഴത്തുമായി കൂടിക്കാഴ്ച നടത്തി. പൊതുകാര്യങ്ങളാണ് സംസാരിച്ചതെന്നും രാഷ്ട്രീയം ചര്‍ച്ചയായില്ലെന്നും ഇരുകൂട്ടരും വ്യക്തമാക്കി.