ഷൂട്ടൗട്ടിൽ ആകെ പിറന്നത് 34 കിക്കുകൾ!!! ഒടുവിൽ അയാക്സിന്റെ ചിരി
അഞ്ച് സേവുകളുമായി കളംനിറഞ്ഞ ഗോൾകീപ്പർ റെംകോ പസ്വീറാണ് അയാക്സിന് ആവേശ ജയം സമ്മാനിച്ചത്
Update: 2024-08-16 12:40 GMT
ഒരു പെനാൽട്ടി ഷൂട്ടൗട്ട് അവസാനിക്കാൻ ആരാധകർക്ക് കാത്തിരിക്കേണ്ടി വന്നത് 25 മിനിറ്റുകൾ. ഏറെ ആവേശം നിറഞ്ഞ യൂറോപ്പ ലീഗ് മൂന്നാം യോഗ്യതാ റൗണ്ടിൽ ഗ്രീക്ക് ക്ലബ്ബായ പനാതിനായ്കോസിനെതിരെ ഡച്ച് ക്ലബ്ബ് അയാക്സ് ആംസ്റ്റർഡാമിന് ജയം. മാരത്തോൺ ഷൂട്ടൗട്ടിൽ 13-12 നാണ് ഡച്ച് വമ്പന്മാരുടെ വിജയം. മത്സരത്തിൽ 89ാം മിനിറ്റ് വരെ മുന്നിൽ നിൽക്കുകയായിരുന്ന അയാക്സ് കളി തീരാൻ മിനിറ്റുകൾ മാത്രം അവശേഷിക്കെ ഗോൾ വഴങ്ങുകയായിരുന്നു.
പെനാൽട്ടി ഷൂട്ടൗട്ടിലേക്ക് നീണ്ട മത്സരം ആരാധകരെ ത്രില്ലടിപ്പിച്ചു. 34 ഷോട്ടുകളാണ് ഇരുടീമുകളിലേയും താരങ്ങൾ ചേർന്നെടുത്തത്. യുവേഫ കോംപറ്റീഷനുകളിൽ ഇത്രയധികം പെനാൽട്ടികൾ പിറക്കുന്നത് ഇതാദ്യമാണ്. അഞ്ച് സേവുകളുമായി കളംനിറഞ്ഞ ഗോൾകീപ്പർ റെംകോ പസ്വീറാണ് അയാക്സിന് ആവേശ ജയം സമ്മാനിച്ചത്. ഡച്ച് താരം ബ്രിയാൻ ബ്രോബറി രണ്ട് പെനാൽട്ടികൾ പാഴാക്കി