പാരിസ്: മത്സരശേഷം കളിക്കാർ പരസ്പരം കൈ കൊടുത്തു പിരിയാറാണ് പൊതുവെ. എന്നാൽ മുഖത്തടിച്ചാലോ. അതും തോറ്റതിന് പിന്നാലെ. അത്തരത്തിലുള്ള സംഭവം നടന്നു, പാരീസിൽ. ജൂനിയർ ടെന്നീസ് മത്സരത്തിനിടെയാണ് സമൂഹമാധ്യമങ്ങളിൽ വൈറലായ ആ അടി നടന്നത്. ഫ്രാൻസിന്റെ മൈക്കൽ കൗമ, ഘാനയുടെ റാഫേൽ നി അങ്കാര എന്നിവർ തമ്മിലായിരുന്നു മത്സരം.
മത്സരം ശേഷം ഇരുവരും കൈ കൊടുത്തെങ്കിലും മൈക്കൽ കൗമ എതിരാളിയുടെ മുഖത്ത് ഒരൊറ്റ അടിയും കൊടുത്തു. കൗമ മത്സരത്തില് തോറ്റിരുന്നു. വലതു കൈ കൊണ്ട് ഹസ്തദാനം നടത്തിയതിന് പിന്നാലെയായുരുന്നു ഇടത് കൈ കൊണ്ട് കൗമ, അങ്കാരക്കിട്ട് പൊട്ടിച്ചത്. ഗ്യാലറിയിരിരുന്ന ഒരാളാണ് വീഡിയോ പകർത്തി സമൂഹമാധ്യമങ്ങളിൽ പങ്കുവെച്ചത്. അതേസമയം അടി പൊട്ടിയതിന് ശേഷം എന്താണ് നടന്നതെന്ന് വ്യക്തമല്ല.
ടൂർണമെന്റിൽ കിരീട സാധ്യതയുള്ള താരമായിരുന്നു ഫ്രാൻസിന്റെ കൗമ. ടൈബ്രേക്കറിലാണ് പരാജയപ്പെട്ടത്. മത്സരത്തിന്റെ ആദ്യ സെറ്റ് പരാജയപ്പെട്ടിരുന്നുവെങ്കിലും രണ്ടാം സെറ്റ് തിരിച്ചുപിടിച്ച് തിരികെ വരികയായിരുന്നു. എന്നാൽ നിർണായക സെറ്റിൽ പരാജയപ്പെടുകയും ചെയ്തു. ഇതോടെയാണ് താരത്തിന് നിയന്ത്രണം നഷ്ടമായത്. സ്കോര്: 6-2,6-7,7-5-6
Number 1 seeded player Michael Kouame from France 🇫🇷 slaps Raphael Nii Ankrah 🇬🇭 after losing in the ongoing TGF ITF jnrs world tour at the Accra sports stadium pic.twitter.com/pj4WjfifXZ
— KENNETH KWESI GIBSON 🎾 (@Kwesi_Gibson) April 4, 2022
15-year-old tennis player Michael Kouame slaps opponent at the net after losing in ITF Juniors tournament in Accra