പുതിയ ഡ്യുവൽ സ്ക്രീൻ ഫോൺ അവതരിപ്പിക്കാനൊരുങ്ങി സാംസങ്. ഇതിനായുള്ള പേറ്റന്റ് അപേക്ഷ വേൾഡ് ഇന്റലക്ച്വൽ പ്രോപ്പർട്ടി ഓഫീസിൽ ഫയൽ ചെയ്തിട്ടുണ്ട്. പ്രൈമറി ഡിസ്പ്ലേയ്ക്ക് പുറമേ അതിനോട് അഭിമുഖമായി ട്രാൻസ്പെരന്റ് ഡിസ്പ്ലേയോടു കൂടിയാണ് സൗത്ത് കൊറിയൻ കമ്പനി പുതിയ ഹാൻഡ്സെറ്റ് പുറത്തിറക്കുന്നത്.
സാംസങ് ഗാലക്സി ഇസഡ് ഫോൾഡ് 4, സാംസങ് ഗാലക്സി ഇസഡ് ഫ്ലിപ് 4 എന്നീ ഫോണുകൾ ഈ മാസം ആദ്യം ആഗോളതലത്തിൽ അവതരിപ്പിച്ചിരുന്നു. ഡ്യുവൽ സിം (നാനോ) സാംസങ് ഗാലക്സി ഇസഡ് ഫോൾഡ് 4, ആൻഡ്രോയ്ഡ് 12എൽ-നെ അടിസ്ഥാനമാക്കിയുള്ള വൺ യുഐ 4.1.1-ൽ പ്രവർത്തിക്കുന്ന ആദ്യത്തെ സ്മാർട്ട്ഫോണാണ്.
ഫോൾഡിങ് ഉൾപ്പെടെയുള്ള വലിയ സ്ക്രീൻ അനുഭവങ്ങൾക്കായി ഗൂഗിൾ സൃഷ്ടിച്ച ആൻഡ്രോയിഡിന്റെ പ്രത്യേക പതിപ്പായിരുന്നു ഇത്. 25W ഫാസ്റ്റ് ചാർജർ ഉള്ള ഗ്യാലക്സി ഇസഡ് ഫോൾഡ് 4ൽ 4,400mAh ബാറ്ററിയാണ് സാംസങ് നൽകിയിരിക്കുന്നത്.
അതേസമയം, സാംസങ് ഗാലക്സി ഇസഡ് ഫ്ലിപ് 4 ആൻഡ്രോയ്ഡ് 12 അടിസ്ഥാനമാക്കിയുള്ള വൺ യുഐ 4.1.1ൽ പ്രവർത്തിക്കുന്നു. 6.7 ഇഞ്ച് പ്രൈമറി ഫുൾ-എച്ച്ഡി+ ഡൈനാമിക് അമോലെഡ് 2X ഇൻഫിനിറ്റി ഫ്ലെക്സ് ഡിസ്പ്ലേയാണ് ഇതിനുള്ളത്. 8GB റാമുമായി ജോടിയാക്കിയ Qualcomm Snapdragon 8+ Gen 1 SoC ആണ് ക്ലാംഷെൽ ഫോൾഡബിൾ സ്മാർട്ട്ഫോണിന് കരുത്ത് പകരുന്നത്.
25W ഫാസ്റ്റ് ചാർജർ സാധ്യമായ ഗ്യാലക്സി ഇസഡ് ഫ്ലിപ് 4ൽ 3,700mAh ബാറ്ററിയാണ് സാംസങ് നൽകിയിരിക്കുന്നത്. വാട്ടർ റെസിസ്റ്റിനായുള്ള IPX8 റേറ്റ് കരസ്ഥമാക്കിയിട്ടുള്ള ഗ്യാലക്സി ഇസഡ് ഫ്ലിപ് 4 ആർമർ അലുമിനിയം ഉപയോഗിച്ചാണ് നിർമിച്ചിരിക്കുന്നത്.