ഗസ്സയിൽ ബന്ദി കൈമാറ്റം ഇന്ത്യൻ സമയം രാവിലെ 10.30ന്; യുദ്ധം അവസാനിച്ചെന്ന് ആവർത്തിച്ച് ട്രംപ്

തെൽ അവിവ്: രണ്ടു വർഷത്തിലേറെയായി ഹമാസ്​ പിടിയിലുള്ള 20 ബന്ദികളെ ഇന്ന്​ വിട്ടയക്കും. യുഎസ്​ പ്രസിഡന്‍റ്​ ഡൊണാൾഡ്​ ട്രംപിന്‍റെ സാന്നിധ്യത്തിൽ ബന്ദികളെ സ്വീകരിക്കാൻ ഒരുങ്ങുകയാണ് ഇസ്രായേൽ. ഫലസ്തീൻ തടവുകാരുടെ മോചനവും ഗസ്സയിലേക്ക്​ കൂടുതൽ സഹായവിതരണവും ഇന്നുണ്ടാകും. അതേസമയം ഈജിപ്തിലെ കെയ്റോയിൽ ഇന്ന്​ നടക്കുന്ന സമാധാന ഉച്ചകോടിയിൽ ഇന്ത്യ ഉൾപ്പടെ നിരവധി രാജ്യങ്ങൾ സംബന്ധിക്കും. ഇസ്രായേലിന്‍റെ പിന്തുണയുള്ള ഗസ്സയിലെ സായുധക്രിമിനൽ സംഘം നടത്തിയ വെടിവെപ്പിൽ മാധ്യമപ്രവർത്തകൻ കൊല്ലപ്പെട്ടു.

ഇരുപത്​ ബന്ദികളുടെ മോചനം പ്രദേശിക സമയം കാലത്ത്​ എട്ടിനുണ്ടാകും എന്നാണ്​ ബന്​ധുക്കൾക്ക്​ ലഭിച്ച വിവരം. തുടർന്ന്​ കൊല്ലപ്പെട്ട ബന്ദികളുടെ മൃതദേഹങ്ങളും ഹമാസ്​ റെഡ്ക്രോസ്​ സംഘം മുഖേന ഇ​സ്രയേലിന്​ കൈമാറും. ബന്ദിമോചന വേളയിൽ പ്രദർശനപരമായ ചടങ്ങുകളൊന്നും പാടില്ലെന്നാണ്​ ധാരണ. രാവിലെ യുഎസ്​ പ്രസിഡന്‍റ്​ ഡൊണൾഡ്​ ട്രംപ്​ ഇസ്രായേലിൽ എത്തും. നാലുമണിക്കൂർ ഇസ്രായേലിൽ ചെലവഴിക്കുന്ന അദ്ദേഹം ഇസ്രായേൽ പാർല​മെന്‍റിൽ പ്രസംഗിക്കും. തിരിച്ചെത്തുന്ന ബന്ദികളുമായുള്ള കൂടിക്കാഴ്ചക്കുശേഷം ഉച്ചയോടെ ഈജിപ്തിലെ സമാധാന ഉച്ചകോടിയിൽ പ​ങ്കെടുക്കാൻ പോകും.

ഇത്തവണ വീണ്ടും അധികാരത്തിലേറിയ ശേഷമുള്ള ട്രംപിന്‍റെ ആദ്യ ഇസ്രായേൽ സന്ദർശനമാണിത്.​ ഈ​ജി​പ്ത് ചെങ്കടൽ തീരത്തെ ശ​റ​മു​ശ്ശൈ​ഖി​ൽ ഇന്ന്​ നടക്കുന്ന അ​ന്താ​രാ​ഷ്ട്ര ഗ​സ്സ സമാധാന ഉ​ച്ച​കോ​ടി​ നിർണായകമാണ്​. ര​ണ്ടാം ഘ​ട്ട വെടിനിർത്തൽ ച​ർ​ച്ച ഉ​ട​ൻ ആ​രം​ഭി​ക്കു​മെ​ന്ന്​ ട്രം​പ് പ​റ​ഞ്ഞു. ഉ​ച്ച​കോ​ടി​യി​ൽ ഇ​തു​സം​ബ​ന്ധി​ച്ച് ധാ​ര​ണ​യു​ണ്ടാ​കു​മെ​ന്നാണ് പ്രതീക്ഷ. ഇ​റ്റ​ലി,സ്പെ​യി​ൻ, ബ്രി​ട്ട​ൻ, ഫ്രാ​ൻ​സ്, ജ​ർ​മ​നി,ഇന്ത്യ, ജോ​ർ​ഡ​ൻ, തു​ർ​ക്കി, യുഎഇ, സൗ​ദി അ​റേ​ബ്യ, ഖ​ത്ത​ർ, പാ​കി​സ്താ​ൻ, ഇ​ന്തോ​നേ​ഷ്യ ഉൾപ്പടെ വിവിധ രാ​ജ്യ​ങ്ങ​ളു​ടെ പ്ര​തി​നി​ധി​ക​ൾ ഉച്ച​േകാടിക്കെത്തു​ം.

1950 ഫലസ്തീൻ തടവുകാരെയാണ്​ കരാർപ്രകാരം ഇസ്രയേൽ വിട്ടയക്കേണ്ടത്​. എന്നാൽ തങ്ങൾ നൽകിയ പട്ടിക അംഗീകരിക്കാൻ വിസമ്മതിക്കുന്ന ഇസ്രായേൽ നടപടി കരാർ ലംഘനമാണെന്ന്​ ഹമാസ്​ കുറ്റപ്പെടുത്തി ഗ​സ്സ​ക്ക് ആ​വ​ശ്യ​മാ​യ ​വൈ​ദ്യ​സ​ഹാ​യ​ വിതരണവും ഉടൻ ആരംഭിക്കുമെന്നാണ്​ റിപ്പോർട്ട്​. അതിനിടെ ഹ​മാ​സി​നെ നി​രാ​യു​ധീ​ക​രി​ച്ചി​ല്ലെ​ങ്കി​ൽ സൈ​നി​കാ​ക്ര​മ​ണ​ത്തെ​ക്കു​റി​ച്ച് വീ​ണ്ടും ആ​ലോ​ചി​ക്കു​മെ​ന്ന് നെ​ത​ന്യാ​ഹു​വും ഹമാസിന്‍റെ തുരങ്കങ്ങൾ തകർക്കാൻ സൈന്യത്തിന്​ നിർദേശം നൽകിയെന്ന ഇസ്രയേൽ പ്രതിരോധ മന്ത്രിയുടെപ്രസ്താവനയും ആശങ്കക്കിടയാക്കി​.

അതിനിടെ, ഗസ്സ സിറ്റിയിൽ സായുധ സംഘം നടത്തിയ വെടിവെപ്പിൽ ഫലസ്തീൻ മാധ്യമപ്രവർത്തകൻ സാലിഹ്​ അൽ ജാഫറാവി കൊല്ലപ്പെട്ടു. ഇസ്രയേൽ പിന്തുണയുള്ള ഈ സായുധ സംഘത്തിലെ 60പേരെ പിടികൂടിയതായി ഹമാസ്​ അറിയിച്ചു.