3D പ്രതിമകളുടെ 'നാനോ ബനാന'; അറിയാം സോഷ്യൽ മീഡിയ ഭരിക്കുന്ന പുത്തൻ ട്രെൻഡിനെക്കുറിച്ച്

കഴിഞ്ഞ കുറച്ച് ദിവസങ്ങളായി ഗൂഗിൾ ജെമിനിയുടെ 'നാനോ ബനാന'യാണ് സോഷ്യൽ മീഡിയ ഭരിക്കുന്നത്. ഒരു ഫോട്ടോയും ചെറിയൊരു ടെക്സ്റ്റ് പ്രോംപ്റ്റും ഉപയോഗിച്ച് ഉപയോക്താക്കൾക്ക് ഹൈപ്പർ-റിയലിസ്റ്റിക് 3D രൂപങ്ങൾ നിർമിക്കാൻ അവസരമൊരുക്കുന്നു എന്നതാണ് ഈ ട്രെൻഡിന്റെ പ്രത്യേകത.

കഴിഞ്ഞ മാസമാണ് ഗൂഗിള്‍ ജെമിനി ആപ്പില്‍ 'നാനോ ബനാന' എന്ന ഇമേജ് എഡിറ്റിങ് ടൂള്‍ പുറത്തിറക്കിയത്. നാനോ ബനാന പുറത്തിറക്കി ദിവസങ്ങള്‍ക്കുള്ളില്‍ ജെമിനി ആപ്പ് ഒരു കോടി ഡൗലോഡുകള്‍ കടന്നതായി ഗൂഗിള്‍ വൈസ് പ്രസിഡന്റ് ജോഷ് വുഡ് വാര്‍ഡ് എക്‌സില്‍ പോസ്റ്റ് ചെയ്തു. ഇത് ജെമിനി ആപ്പിന്റെ ജനപ്രീതിയിലെ കുതിച്ചുചാട്ടമാണെന്നും അദ്ദേഹം പറഞ്ഞു. ഇത് ഉപയോഗിച്ച് ഏകദേശം രണ്ട് കോടി ചിത്രങ്ങള്‍ സൃഷ്ടിക്കുകയോ എഡിറ്റ് ചെയ്യുകയോ ചെയ്തിട്ടുണ്ടെന്നാണ് ഗൂഗിളിന്റെ അവകാശവാദം.

ഇൻസ്റ്റാഗ്രാമിലും എക്‌സിലും ദശലക്ഷക്കണക്കിന് പേരാണ് പുതിയ അപ്ഡേറ്റ് പരീക്ഷിക്കുന്നത്. ഓരോ ദിവസവും കൂടുതല്‍ ആളുകൾ ഈ ട്രെന്‍റ് ഉപയോഗിച്ച് തുടങ്ങിയിരിക്കുന്നവെന്നതാണ് സമൂഹ മാധ്യമങ്ങളില്‍ നിറയുന്ന നാനോ ബനാന പ്രതിമകൾ വ്യക്തമാക്കുന്നത്. തങ്ങളുടെയോ, സെലിബ്രിറ്റികളുടെയോ, വളർത്തുമൃഗങ്ങളുടെയോ ചിത്രങ്ങൾ ഈ രൂപത്തിൽ നിർമിക്കാൻ സാധിക്കും. സാങ്കേതിക പരിജ്ഞാനമോ പണമോ ഇവ നിർമിക്കാൻ ആവശ്യമില്ല.

ഒരു നാനോ ബനാന 3D ഇമേജ് എങ്ങനെ സൃഷ്ടിക്കാം?:

സ്റ്റെപ് 1 - ഗൂഗിള്‍ ജെമിനി അല്ലെങ്കില്‍ ഗൂഗിള്‍ എഐ സ്റ്റുഡിയോ തുറക്കുക

സ്റ്റെപ് 2 - നിങ്ങള്‍ മാറ്റം വരുത്താന്‍ ആഗ്രഹിക്കുന്ന ഫോട്ടോ അപ്‌ലോഡ് ചെയ്യുക

സ്റ്റെപ്പ് 3: ഈ പ്രോംപ്റ്റ് കോപ്പി ചെയ്ത് പേസ്റ്റ് ചെയ്യുക

"Create a 1/7 scale commercialised figurine of the characters in the picture, in a realistic style, in a real environment. The figurine is placed on a computer desk. The figurine has a round transparent acrylic base, with no text on the base. The content on the computer screen is a 3D modelling process of this figurine. Next to the computer screen is a toy packaging box, designed in a style reminiscent of high-quality collectible figures, printed with original artwork. The packaging features two-dimensional flat illustrations."

സ്റ്റെപ്പ് 4: 'Generate' ക്ലിക്ക് ചെയ്യുക. നിങ്ങളുടെ 3D രൂപത്തിന്റെ ചിത്രം ദൃശ്യമാകുന്നതുവരെ കാത്തിരിക്കുക

സ്റ്റെപ് 5 - ലഭിച്ച ചിത്രം നോക്കി മാറ്റങ്ങള്‍ ആവശ്യമെങ്ങില്‍ പ്രോമ്റ്റില്‍ മാറ്റങ്ങള്‍ വരുത്തുക. അല്ലെങ്കില്‍ പുതിയ 3D ചിത്രത്തിനായി മറ്റൊരു ചിത്രം അപ്‌ലോഡ് ചെയ്യുക