'വെടിനിർത്തൽ കരാർ ലംഘിച്ചാൽ ഹമാസിനെതിരെ ഇസ്രായേൽ ആക്രമണം പുനരാരംഭിക്കും'; മുന്നറിയിപ്പുമായി ട്രംപ്

തെൽ അവിവ്: വെടിനിർത്തൽ കരാർ ലംഘിച്ചാൽ, ഹമാസിനെതിരെ ഇസ്രായേലിന്‍റെ ആക്രമണം പുനരാരംഭിക്കുമെന്ന മുന്നറിയിപ്പുമായി യുഎസ്​ പ്രസിഡന്‍റ്​ ഡൊണാൾഡ്​ ട്രംപ്​. അവശേഷിച്ച ബന്ദികളുടെ മൃതദേഹങ്ങൾ കൈമാറാൻ എല്ലാ ശ്രമവും തുടരുമെന്ന്​ ഹമാസ്​ അറിയിച്ചു. വെടിനിർത്തൽ ലംഘിച്ച്​ ഫലസ്തീനികകൾക്കു നേരെ വീണ്ടും ഇസ്രയേൽ സേനയുടെ ആക്രമണമുണ്ടായി.

ആയുധം അടിയറ വയ്ക്കാൻ ഹമാസ്​ തയാറായില്ലെങ്കിൽ എന്തുവേണമെന്ന്​ താൻ ആലോചിക്കുമെന്നും സിഎൻഎൻ ചാനലിനു നൽകിയ അഭിമുഖത്തിൽ ട്രംപ്​ വ്യക്​തമാക്കി. കരാർപ്രകാരം ബന്ദികളുടെ മുഴുവൻ മൃതദേഹങ്ങളും വിട്ടുകിട്ടിയില്ലെങ്കിൽ വെറുതെയിരിക്കില്ലെന്ന്​ ഇസ്രായേൽ പ്രധാനമന്ത്രി ബിന്യാമിൻ നെതന്യാഹുവും പ്രതികരിച്ചു. എന്നാൽ അവശേഷിച്ച ബന്ദികളുടെ മൃതദേഹങ്ങൾ കണ്ടെത്താനും വീണ്ടെടുക്കാനും ചില പ്രയോഗിക ബുദ്ധിമുട്ടുകൾ നേരിടുന്നുണ്ടെങ്കിലും വൈകാതെ കരാർലക്ഷ്യം പൂർത്തീകരിക്കുമെന്ന്​ ഹമാസ്​ സായുധ വിഭാഗമായ അൽഖസ്സാം ബ്രിഗേഡ്​ അറിയിച്ചു.

ഇന്നലെ രണ്ട്​ ബന്ദികളുടെ മൃതദേഹങ്ങൾ കൂടി ഹമാസ്​ ഇസ്രായേലിന്​ കൈമാറി. ഇതോടെകൈമാറിയ മൃതദേഹങ്ങളുടെ എണ്ണം ഒമ്പതായി.ക​ഴി​ഞ്ഞ ദി​വ​സം ഹ​മാ​സ് കൈ​മാ​റി​യ മൃ​ത​ദേ​ഹ​ങ്ങ​ളി​ലൊ​ന്ന് ബ​ന്ദി​യു​ടേ​ത​ല്ലെ​ന്ന് ഇ​സ്രാ​യേ​ൽ സൈ​ന്യം പറഞ്ഞു. അതേസമയം ഇ​സ്രാ​യേ​ൽ കൈ​മാ​റി​യ 45 ഫ​ല​സ്തീ​നി​ക​ളു​ടെ മൃ​ത​ദേ​ഹ​ങ്ങ​ളിൽ പലതും വികൃതമാക്കപ്പെട്ട നിലയിലാണെന്ന്​ ഗ​സ്സ​യി​ലെ ഫോ​റ​ൻ​സി​ക് അ​ധി​കൃ​ത​ർ അറിയിച്ചു. മൃ​ത​ദേ​ഹ​ങ്ങ​ളി​ൽ ചി​ല​ത് ക​ണ്ണ​ട​ച്ച് കൈ​ക​ൾ ബ​ന്ധി​ച്ച നി​ല​യി​ലാ​യി​രു​ന്നു​വെ​ന്ന് ആ​രോ​ഗ്യ​പ്ര​വ​ർ​ത്ത​ക​ർ പ​റ​ഞ്ഞു. പ​ല​രെ​യും വെ​ടി​വെ​ച്ച് കൊ​ല്ലു​ക​യാ​യി​രു​ന്നെ​ന്നാ​ണ് സൂ​ച​ന. വെടിനിർത്തൽ കരാർ ലംഘിച്ച്​ ഫലസ്തീനികൾക്ക്​ നേരെ ഇസ്രയേൽ സേന ഇന്നലെയും ആക്രമണം നടത്തി. ഗസ്സയലേക്കുള്ള സഹായ വസ്തുക്കളുടെ വിതരണത്തിനും ഇസ്രായേൽ നിയന്ത്രണം തുടരുകയാണ്​.

ഭ​ക്ഷ​ണം, ഇ​ന്ധ​നം, മെ​ഡി​ക്ക​ൽ സാ​ധ​ന​ങ്ങ​ൾ എ​ന്നി​വ​യു​മാ​യി 300 ട്ര​ക്കു​ക​ൾക്ക്​ മാത്രമാണ ഗ​സ്സ​യി​ലേ​ക്ക് അനുമതി ലഭിച്ചത്​. ബ​ന്ദി​ക​ളു​ടെ മൃ​ത​ദേ​ഹ​ങ്ങ​ൾ തി​രി​ച്ചെ​ത്തി​ക്കു​ന്ന​തി​നെ​ച്ചൊ​ല്ലി ഇ​സ്രാ​യേ​ലും ഹ​മാ​സും ത​മ്മി​ൽ ത​ർ​ക്കം നി​ല​നി​ൽ​ക്കു​ന്ന സാ​ഹ​ച​ര്യ​ത്തി​ലാ​ണ് നിയന്ത്രണം. ഗസ്സയിലേക്ക്​ മരുന്നും വൈദ്യോപകരണങ്ങളും ഉടൻ എത്തിക്കണമെന്ന്​ ലോകരോഗ്യ സംഘടന ആവശ്യപ്പെട്ടു.