ഈ ത്രില്ലും ട്വിസ്റ്റും അമ്പരപ്പിച്ചു, അങ്ങനെ ഞാൻ ആസാദിയിലെത്തി: വാണി
പൊലീസ് യൂണിഫോം ഇല്ലെങ്കിലും അന്വേഷണ സ്വഭാവത്തിലുള്ള കഥാപാത്രമാണ് ചിത്രത്തിലേത്
Update: 2025-05-17 09:05 GMT
ആദ്യം കേട്ടപ്പോൾ തന്നെ കഥയിലെ ത്രില്ലും ട്വിസ്റ്റും മനസ്സിൽ കയറിയെന്നും അതുകൊണ്ടാണ് ആസാദിയിൽ അഭിനയിക്കാൻ തീരുമാനിച്ചതെന്നും വാണി വിശ്വനാഥ്. തന്റെ രണ്ടാം വരവിലെ രണ്ടാം ചിത്രമായ ആസാദിയിൽ ആക്ഷൻ സ്വഭാവമുള്ള പൊലീസ് വേഷത്തിലാണ് വാണിയെത്തുന്നത്. റൈഫിൾ ക്ലബിന് ശേഷം വാണി വിശ്വനാഥ് ശക്തമായ വേഷത്തിൽ എത്തുന്ന ചിത്രമാണ് ആസാദി.
'പൊലീസ് യൂണിഫോം ഇല്ലെങ്കിലും അന്വേഷണ സ്വഭാവത്തിലുള്ള കഥാപാത്രമാണ് ചിത്രത്തിലേത്. ശ്രീനാഥ് ഭാസിയും ഞാനും തമ്മിലുള്ള ഏറ്റുമുട്ടലാണ് ചിത്രം. സംവിധായകനും തിരക്കഥാകൃത്തും ആദ്യം ഈ കഥ ബാബുരാജ് ഏട്ടനോടാണ് പറഞ്ഞത്. എന്നോട് കേട്ടുനോക്കൂ, നിനക്ക് ഇഷ്ടപ്പെടും എന്നായിരുന്നു ബാബുവേട്ടൻ പറഞ്ഞത്. കഥ കേട്ടത്തോടെ സിനിമ ഏറ്റെടുക്കാന് തീരുമാനിക്കുകയായിരുന്നു'- വാണി പറഞ്ഞു.
മമ്മൂട്ടിയുടെ കൂടെ വീണ്ടും അഭിനയിക്കാനും മോഹൻലാലിന്റെ കൂടെ വില്ലത്തി വേഷം ചെയ്യാനും ആഗ്രഹമുണ്ടെന്നും വാണി തുറന്നുപറഞ്ഞു. 'അങ്ങനെയൊരു സിനിമ വരികയാണെങ്കിൽ ലാലേട്ടനെ എതിർക്കുന്ന കഥാപാത്രം ആകണമെന്നാണ് ആഗ്രഹം. തുടരും മലയാള സിനിമയ്ക്ക് നല്കിയ ഊർജം ചെറുതല്ല. സിനിമ അത്രയ്ക്ക് നന്നായാണ് ചെയ്തുവച്ചത്'- വാണി പറഞ്ഞു.
ശ്രീനാഥ് ഭാസിയും ലാലും പ്രധാന വേഷത്തിലെത്തുന്ന ആസാദി മെയ് 23നാണ് തിയേറ്ററുകളിലെത്തുക. സീറ്റ് എഡ്ജ് ത്രില്ലര് എന്ന തലക്കെട്ടിലെത്തുന്ന ചിത്രം ലിറ്റില് ക്രൂ പ്രൊഡക്ഷന്സിന്റെ ബാനറില് ഫൈസല് രാജയാണ് നിര്മിക്കുന്നത്. സാഗറാണ് തിരക്കഥ. രവീണ, സൈജു കുറുപ്പ്, വിജയകുമാര്, ജിലു ജോസഫ്, രാജേഷ് ശര്മ, അഭിറാം, അഭിന് ബിനോ, ആശാ മഠത്തില്, ഷോബി തിലകന്, ബോബന് സാമുവല്, ടി.ജി രവി, ഹേമ, രാജേഷ് അഴീക്കോടന്, ഗുണ്ടുകാട് സാബു, അഷ്കര് അമീര്, മാലാ പാര്വതി, തുഷാര തുടങ്ങിയവരും ചിത്രത്തില് അഭിനയിക്കുന്നു.
റമീസ് രാജ, രശ്മി ഫൈസല് എന്നിവര് സഹ നിര്മാതാക്കളായ ആസാദിയുടെ എഡിറ്റര് നൗഫല് അബ്ദുള്ളയാണ്. സിനിമാട്ടോഗ്രാഫി സനീഷ് സ്റ്റാന്ലി സംഗീതം- വരുണ് ഉണ്ണി, റീ റിക്കോഡിംഗ് മിക്സിംഗ്- ഫസല് എ ബക്കര്, പ്രൊഡക്ഷന് ഡിസൈനര്- സഹാസ് ബാല, സൗണ്ട് ഡിസൈന്- സൗണ്ട് ഐഡിയാസ്, എക്സിക്യൂട്ടീവ് പ്രൊഡ്യൂസര്- അബ്ദുള് നൗഷാദ്, ക്രിയേറ്റീവ് പ്രൊഡ്യൂസര്- റെയ്സ് സുമയ്യ റഹ്മാന്, പ്രൊജക്റ്റ് ഡിസൈനര്- സ്റ്റീഫന് വല്ലിയറ, പ്രൊഡക്ഷന് കണ്ട്രോളര്- ആന്റണി എലൂര്, കോസ്റ്റ്യൂം- വിപിന് ദാസ്, മേക്കപ്പ്- പ്രദീപ് ഗോപാലകൃഷ്ണന്, ഡിഐ- തപ്സി മോഷന് പിക്ച്ചേഴ്സ്, കളറിസ്റ്റ്- അലക്സ് വര്ഗീസ്, ചീഫ് അസോസിയേറ്റ് ഡയറക്ടര്- സജിത്ത് ബാലകൃഷ്ണന്, ശരത്ത് സത്യ, ചീഫ് അസോസിയേറ്റ് ക്യാമറാമാന്- അഭിലാഷ് ശങ്കര്, ബെനിലാല് ബാലകൃഷ്ണന്, ഫിനാന്സ് കണ്ട്രോളര്- അനൂപ് കക്കയങ്ങാട്, പിആര്ഒ - പ്രതീഷ് ശേഖര്, സതീഷ് എരിയാളത്ത്, സ്റ്റില്സ്- ഷിജിന് പി.രാജ്, വിഗ്നേഷ് പ്രദീപ്, വിഎഫ്എക്സ്- കോക്കനട്ട് ബഞ്ച്, ട്രെയിലര് കട്ട്- ബെല്സ് തോമസ്, ഡിസൈന്- 10 പോയിന്റസ്, മാര്ക്കറ്റിംഗ് കണ്സള്ട്ടന്റ്- മെയിന്ലൈന് മീഡിയ. ആലപ്പുഴ ജിംഖാനയ്ക്ക് ശേഷം സെന്റട്രല് പിക്ചേഴ്സ് തീയേറ്ററിലെത്തിക്കുന്ന ചിത്രം കൂടിയാണ് ആസാദി.