ദമ്മാമില് തൊഴില് വകുപ്പിന്റെ നേതൃത്വത്തില് വ്യാപക പരിശോധന
Update: 2018-04-30 17:51 GMT
വിവിധ വകുപ്പുകളുമായി സഹകരിച്ച് നടത്തിയ പരിശോധനയില് മതിയായ രേഖകളില്ലാത്ത മുന്നൂറോളം നിയമ ലംഘകര് പിടിയിലായി
ദമ്മാമില് തൊഴില് വകുപ്പിന്റെ നേതൃത്വത്തില് വ്യാപക പരിശോധന നടത്തി. വിവിധ വകുപ്പുകളുമായി സഹകരിച്ച് നടത്തിയ പരിശോധനയില് മതിയായ രേഖകളില്ലാത്ത മുന്നൂറോളം നിയമ ലംഘകര് പിടിയിലായി. നാട് കടത്തല് കേന്ദ്രത്തില് വിദേശികളുടെ എണ്ണം കൂടുന്നതായും റിപ്പോര്ട്ട്.
തൊഴില് വകുപ്പ് വിവിധ വകുപ്പുകളുമായി സഹകരിച്ച് നടത്തിയ പരിശോധനയില് മതിയായ രേഖകളില്ലാത്ത മുന്നൂറ്റി അറുപത് നിയമ ലംഘകരാണ് പിടിയിലായത്. ഇഖാമയും മറ്റു മതിയായ രേഖകളുമില്ലാത്തവരുമാണ് പിടിയിലായ വിദേശികളില് അധികവും. അനധികൃതമായി മറ്റ് സ്പോണ്സര്മാരുടെ കീഴില് ജോലി ചെയ്തവരും ഇവരിലുണ്ട്. വ്യാപാര കേന്ദ്രങ്ങള്, മാളുകള്, മെഡിക്കല് ഷോപ്പുകള്, സ്പെയര് പാര്ട്സ് കടകള്, ഹോട്ടലുകള് എന്നിവിടങ്ങളിലാണ് തൊഴില് വകുപ്പിന്റെ നേതൃത്വത്തില് ഉദ്യോഗസ്ഥ സംഘമത്തെിയത്.
ദമ്മാം, അല്ഖോബാര്, അല് അഹ്സ എന്നീ സ്ഥലങ്ങളിലാണ് പരിശോധന നടന്നത്. സ്ഥാപനത്തിന്റെ രേഖകളിലെ ക്രമക്കേടുകള്, അനുവദിച്ചതിലും കൂടുതല് ജീവനക്കാരുടെ സാന്നിധ്യം, സ്വദേശി ജീവനക്കാരുടെ അനുപാതത്തിലെ കുറവ്, മതിയായ സുരക്ഷ ക്രമീകരണങ്ങളുടെ അഭാവം എന്നിങ്ങനെ നിരവധി കാരണങ്ങളാണ് സ്ഥാപനങ്ങള്ക്കെതിരെ നടപടിയെടുത്തത്.
നഗരത്തിന്റെ പുറത്തുള്ള കൃഷിയിടങ്ങളില് ഇത്തവണ ശക്തമായ പരിശോധനയാണ് നടത്തിയത്. നാട് കടത്തില് കേന്ദ്രത്തില് വിദേശികളുടെ എണ്ണം കൂടുന്നതായും, നിയമ ലംഘകര് കൂടുതല് നഗരത്തിന് പുറത്തുള്ള സ്ഥാപനങ്ങളിലാണ് എന്ന് കഴിഞ്ഞ ദിവസം പ്രാദേശിക മാധ്യമങ്ങള് റിപ്പോര്ട് ചെയ്തിരുന്നു. നിയമ ലംഘകരെ പിടികൂടാനുള്ള പരിശോധനകള് ശക്തമാക്കിയതായി കിഴക്കന് പ്രവിശ്യ പോലീസ് വക്താവ് സിയാദ് അല് റീഖൈതി പറഞ്ഞു. അവധി ദിവസങ്ങളിലും ശക്തമായ പരിശോധന തുടരുമെന്നും അദ്ദേഹം പറഞ്ഞു.