ഗ്ലോബൽ സിറ്റീസ് ഇൻഡെക്സിൽ രണ്ട് സ്ഥാനം മെച്ചപ്പെടുത്തി മസ്കത്ത്

മസ്കത്ത്: മുൻനിര ആഗോള മാനേജ്‌മെൻ്റ് കൺസൾട്ടിങ് സ്ഥാപനമായ കിയേർണിയുടെ ഗ്ലോബൽ സിറ്റീസ് ഇൻഡെക്സിൽ മസ്കത്തിന് മുന്നേറ്റം. രണ്ട് സ്ഥാനങ്ങൾ മെച്ചപ്പെടുത്തിയ നഗരം പട്ടികയിൽ 112)ം സ്ഥാനത്തെത്തി. 2022 മുതൽ മസ്കത്ത് 14 സ്ഥാനങ്ങളാണ് മെച്ചപ്പെടുത്തിയത്. മൂലധനം, ആളുകൾ, ആശയങ്ങൾ എന്നിവയുടെ ആ​ഗോള ഒഴുക്കിൽ ന​ഗരങ്ങൾക്ക് എത്രത്തോളം സ്വാധീനം ചെലുത്താനാവുന്നു എന്നാണ് ഗ്ലോബൽ സിറ്റീസ് ഇൻഡെക്സ് വിലയിരുത്തുന്നത്. വാണിജ്യം, മാനവ മൂലധനം, വിവര വിനിമയം, സാംസ്കാരികം, രാഷ്ട്രീയ ഇടപെടൽ എന്നീ അഞ്ച് മാനദണ്ഡങ്ങളുടെ അടിസ്ഥാനത്തിലാണ് സ്ഥാനനിർണയം. 158 ന​ഗരങ്ങളുടെ പ്രകടനങ്ങൾ വിലയിരുത്തിയാണ് കിയേർണി മസ്കത്തിന് 112)ം സ്ഥാനം നൽകിയത്.