നിക്ഷേപകരെ ആകർഷിക്കാൻ ഒമാൻ;രാജ്യത്തെ നിക്ഷേപ സൗഹൃദമാക്കാൻ പ്രധാന പങ്ക് വഹിച്ച് വ്യാപാര കോടതി

മസ്കത്ത്: ഒമാൻ കൂടുതൽ നിക്ഷേപ സൗഹൃദമാകുന്നു. രാജ്യത്തെ കൂടുതൽ മത്സരാധിഷ്ഠിതവും നിക്ഷേപ സൗഹൃദവുമാക്കാൻ വലിയ പങ്കാണ് നിക്ഷേപ, വ്യാപാര കോടതി നിർവഹിക്കുന്നത്. വാണിജ്യ തർക്കങ്ങൾ വേഗത്തിലും വ്യക്തതയോടെയും പ്രൊഫഷണൽ നിലവാരത്തിലുമാണ് കോടതി കൈകാര്യം ചെയ്യുന്നത്. കേസുകൾ കൈകാര്യം ചെയ്യുന്നതിനായി പ്രത്യേകം ജഡ്ജിമാരെ നിയോ​ഗിച്ചിട്ടുണ്ട്. കൂടാതെ നടപടിക്രമങ്ങൾ ലളിതമാക്കാനും കാലതാമസം കുറയ്ക്കാനും സഹായിക്കുന്ന അത്യാധുനിക ഇലക്ട്രോണിക് സംവിധാനങ്ങളാണ് കോടതി ഉപയോഗിക്കുന്നത്.