മദീനയിൽ വാഹനാപകടം: മലയാളി യുവാവ് മരിച്ചു

മദീന: വാഹനാപകടത്തിൽ മലപ്പുറം സ്വദേശി മരിച്ചു. മലപ്പുറം പാലക്കോട് സ്വദേശി നൗഫൽ പതിയമ്പാറ (36) ആണ്​ മരിച്ചത്​. നൗഫൽ ഓടിച്ച കാർ പോസ്റ്റിൽ ഇടിച്ചാണ്​ അപകടമുണ്ടായത്​. മദീനയിൽ സ്വകാര്യ കമ്പനിയി​ൽ സെയിൽസ്​മാനായി ജോലി ചെയ്യുകയായിരുന്നു. അവധിക്ക്​ ശേഷം നാല്​ മാസം മുമ്പാണ്​ നാട്ടിൽ നിന്ന്​ തിരിച്ചെത്തിയത്. ഭാര്യയും രണ്ട്​ മക്കളുമുണ്ട്​. മൃതദേഹം മദീന അഹമ്മദി ആശുപത്രിയിൽ സൂക്ഷിച്ചിരിക്കുകയാണ്​. നാട്ടി​ലെത്തിക്കാനുള്ള ശ്രമവും ആരംഭിച്ചിട്ടുണ്ട്​.